意料之外 (Closed)

藍地意料之外星期六、日最鐘意同老公嘆返個早餐。屋企樓下位於藍地既意料之外就係唔錯既選擇。雖然地方唔大，但勝在夠乾淨企理。環境舒適，唔會太逼。大至裝修，細至menu, 你都會見到有好多鼓勵性既人生格言。通常早餐我地會選擇A餐同F餐。A餐係火腿通分配西煎雙蛋及蒜蓉牛油多士，而F餐就係歐陸式早餐。每個早餐均配埋飲品，好抵食。想食得飽肚就一定揀A餐，因為火腿通粉飽肚兼好味。蛋可以揀煎蛋或炒蛋，一樣咁新鮮。不得不提佢地既蒜蓉牛油多士：多士香脆得黎又充滿蒜蓉同牛油既香味，再加埋香草點綴，簡直令人回味無窮。而F餐入面既番茄好新鮮多汁，再配埋沙律一齊食，口感好好亦非常健康。蘑菇加煙肉更是絕配。再加埋炒蛋和蒜蓉牛油多士，好滿足！住在藍地的朋友仔可以試下啦！