Dabyida Restaurant and Bar (Closed)

呢度嘅環境不錯，起初我以為係專飲酒嘅地方一定會有煙味，但係入去唔會有呢種感覺，而且坐得好舒服，仲會一直播住唔同類型嘅音樂，好有氣氛。＄198起有一個套餐，除咗主菜同埋飲品之外仲可以食埋出面嘅自助吧。出面嘅自助吧有好多唔同類型嘅前菜同埋甜品。我特別推薦嘅就係佢嘅沙律，因為佢嘅沙律用上靚嘅沙津菜，仲有我好鍾意嘅蜜糖芥末沙律醬。主菜來講我哋一個就叫咗雪山西冷扒配燒汁。呢一個牛扒對我來講味道就一般，但係佢牛味都十分之重，係用左靚牛嘅。點解我會覺得呢一個扒一般呢，因為我覺得佢哋主角唔係扒類，反而係佢啲意大利飯 經過時間烹煮嘅嘢食。你一個會唔會牛仔膝意大利飯，真係十分之正。上面嘅牛膝大大嚿，半肥瘦，問得好淋，好入味，而且佢骨入邊總會有牛骨髓添，好正。個意大利飯就炆到好淋，我係鍾意食啲比較軟嘅飯，而且佢嘅忌廉味同埋芝士味都好濃。198蚊起，呢個價錢嚟講，勝價比高。如果一大班朋友星期日放假去食，傾下計幾好。