日日涮 (Closed)

小編放假好懶，唔想出太遠食晚餐，於是近近地揀左美孚新邨商場內既「日日涮」食日式放題火鍋。首先環境方面，由於係屋邨商場，所以較寧靜，加上店舖有部分玻璃窗可以觀看街外風景，令人感覺舒服有親切感，擺設方面，主要以四人/六人枱為主，每個位都可以放一個小小既火鍋爐，方便唔同口味既人食火鍋！其次食物方面，小編揀左148套餐，入面有美國肥牛同豚肉任食，牛肉新鮮，肥瘦均勻，食落口好有牛肉味，軟軟的，加上泡菜湯底同醬汁，辣辣的，美味可口，豚肉大塊唔韌，色澤粉紅色的，好新鮮，加上蒜蓉醬汁，味道香香的，好好食！仲有店內既蔬菜，特別係粟米同生菜，鮮甜可口，生菜食落口好爽脆！再者飲品方面亦有好多選擇，除左有檸檬茶，啤酒外，仲有檸檬梳打水，好少放題有架！甜品方面亦好多選擇，除左有雪糕外，仲有朱古力蛋糕同豆腐花，絕對滿足到有兩個胃既你！最後服務方面，店員有禮貌，上菜速度快，價錢亦便宜，絕對係假日之選！