長發海鮮酒家 (Closed)

星期日又係family day既日子，一家人食咩好？飲茶最適合不過。今次向鰂魚涌出發，試下長發海鮮酒家。今次總共叫左9個點心，雪山叉燒包、潮州粉果、沙爹金錢肚、叉燒腸粉、山竹牛肉、紅棗糕、鯪魚球同埋鮑片滑雞粥！先講好食既點心，菠蘿包皮既叉燒包同平時既中式叉燒包口感好唔同，不過都係好食既！沙爹金錢肚係極力推介既一款，因為好淋同埋好入味，但蘿白就好爽口（應該未熟晒），我唔食蘿白既所以覺得冇咩所謂！山竹牛肉、紅棗糕、鯪魚球、粉果、粥就正常味道，冇咩特別！差既有腸粉，上枱時已唔熱，所以啲皮好厚同硬。總括黎講係一間普通質素既酒樓！