圓苑 (Under Renovation)

呢間山道嘅飲茶假日好多人，人氣旺皆因食物水準唔差 （但人手不足，服務就爭少少同埋環境少少嘈）- 圓苑蝦餃皇 蝦肉大粒爽脆，個皮唔會太厚仲有啲金箔色澤令個感覺更高貴- 杞子滑燒賣 肉質幾嫩滑，而且都大大粒夠份量- 山竹牛肉球- XO醬炒腸粉 夠惹味，條條都味道均勻。- 冰燒三層肉 略嫌太鹹，同埋個皮厚咗啲唔夠薄脆- 脆皮韭菜餅 呢個好食，唔油膩夠香口，韭菜味好出色- 羅漢腐皮卷 茶樓比較少見嘅齋點心，入面有冬菇、紅蘿蔔、黑木耳等，外皮嘅腐皮夠鬆脆- 椒鹽墨魚咀 熱氣嘢但係忍唔住會繼續食，墨魚咀好彈牙加上椒鹽嘅鹹香係好味嘅