Cull ’N Pistol Hong Kong (Closed)

假期起身已經係食brunch既時間，見天氣幾好去左附近既鯉景灣覓食！哩間西餐廳睇到海景之餘又幾chill, 所以決定試試！一打開餐牌見到哩個小食分享拼盤好吸引，想試既小食都有齊哂，就決定要試了！份量係二人份，有脆炸海鮮丸子，辣肉腸炒蝦，香脆魷魚，炸魚柳墨西哥夾餅，辣椒薯條，忌廉菠菜雅枝竹沾醬同多士，超豐富！個魚柳夾餅好脆，有口感，個忌廉菠菜醬好rich有驚喜！意式燉海鮮，蝦，蜆同青口都好新鮮！個湯底好濃味，蟹肉同帶子都好鮮甜！另外加左個配菜沙律清清腸胃，作為配菜好大碟，有青蘋果，黑加侖子同蕃茄，健康之選！天氣好熱叫左杯新既特飲，薄荷提子梳打，有青檸，蜜糖柚子加蘋果汁！refreshing 又解渴，唔會太甜！夏日必備！