Video
Read full review
2019-05-21
1595 views
早排好好彩搶到某信用卡優惠，以$138可以嘆富豪九龍酒店的V bar & lounge既法國朱古力下午茶套餐(原價$348，另加一服務費)。酒店位置都好方便，鄰近紅磡站。首先講一講環境先，一入酒店側門，就會見到V bar & lounge。但坐位有點逼，尤其我同朋友坐係幾張2人位既中間，枱與枱之間只係相隔半隻手臂位，所以出入都有點唔方便。 然後下午茶套餐方面，分量可供兩位用，12款精緻鹹甜美點，另包兩杯 illy 咖啡或熱朱古力。 最上層及中層：鹹點及龍蝦湯，下層：甜點鹹點較甜點逊色，牛油果莎莎多士，牛油果香味十足，但由於多士係軟身，導致口感一般。煙三文魚辣根乳酪配多士亦有同樣的問題，我估係因為一早預先整定，放係雪櫃冷藏，所以多士變得好軟，而煙三文魚普通質素，有點腥味，辣根味道亦食唔出。最差係酥脆金文拔芝士伴紅莓，外層核桃炸得過火，有油膉味，亦唔香脆。最好味係海鮮酥皮盒，微暧，鬆脆外皮有牛油香，海鮮餡料夠惹味。 甜點方面，Dulcey 朱古力忌廉脆脆同64% 黑朱古力慕絲，帶點可可的苦澀味道，所以甜度適中，而朱古力忌廉同朱古力慕絲質感軟滑。最有驚喜係玫瑰金箔啫喱，一入口有濃郁花香味，感
酒店位置都好方便，鄰近紅磡站。
首先講一講環境先，一入酒店側門，就會見到V bar & lounge。但坐位有點逼，尤其我同朋友坐係幾張2人位既中間，枱與枱之間只係相隔半隻手臂位，所以出入都有點唔方便。
然後下午茶套餐方面，分量可供兩位用，12款精緻鹹甜美點，另包兩杯 illy 咖啡或熱朱古力。
法國朱古力下午茶套餐
44 views
0 likes
0 comments
最上層及中層：鹹點及龍蝦湯，下層：甜點
中層（龍蝦湯&鹹點）
25 views
0 likes
0 comments
鹹點較甜點逊色，牛油果莎莎多士，牛油果香味十足，但由於多士係軟身，導致口感一般。
煙三文魚辣根乳酪配多士亦有同樣的問題，我估係因為一早預先整定，放係雪櫃冷藏，所以多士變得好軟，而煙三文魚普通質素，有點腥味，辣根味道亦食唔出。
最差係酥脆金文拔芝士伴紅莓，外層核桃炸得過火，有油膉味，亦唔香脆。
最好味係海鮮酥皮盒，微暧，鬆脆外皮有牛油香，海鮮餡料夠惹味。
中層（甜點）
24 views
0 likes
0 comments
甜點方面，Dulcey 朱古力忌廉脆脆同64% 黑朱古力慕絲，帶點可可的苦澀味道，所以甜度適中，而朱古力忌廉同朱古力慕絲質感軟滑。
最有驚喜係玫瑰金箔啫喱，一入口有濃郁花香味，感覺好清新，但唯一缺點係紅桑子太酸，破壞整體既味道平衡。櫻花蛋卷，蛋味十足，不過略厭無櫻花味，猶如普通的士多啤梨醬蛋卷一樣。
最後英式鬆餅有段小插曲，因為當時都有5、6枱客人都有叫依款下午茶套餐，英式鬆餅係用碟另上的，但我地食下食下發現附近客人都有，懷疑係上漏左鬆餅比我地，我地即刻向待應反映，跟住隔左一陣待應先話會補上即焗嘅鬆餅，即係鬆餅數量係預少左啦！失望地方係在場幾位待應唔單只分發個陣無點齊數量，仲有亦無留意到每枱係米已經上齊餐點，要客人主動反映問題，先發現再補上返，由此可見服務細心度係一般。
總括以言，以$138黎講，提供左不同款式既點心係超值價錢，但如果要原價，一般既食物及服務質素，就要再考慮了~
Post
