Video
Read full review
2022-12-31
416 views
今日去左打第四針，打完就去搵野食...本來想天丼食天婦羅。但太婆話佢近期唔食得煎炸野，唯有再搵搵食乜。行過春水堂冇乜人，睇D野食好似都OK就試下啦。又係比個code你自己落單，Menu係我自己起身行去拎。搵人斟水要等運到...冇乜人手？唔怪得冇乜人入黎食，冇服務的。埋單自己出去比，連數都要自己計一計，因為會找錯錢的。我地4個人，叫左２個便當，一個牛肉麵，一個香酥雞，一個滷香大腸，2杯飲品。飲品一黎就好失望，點解係外賣膠杯?個賣相同Menu圖的玻璃杯真係差左幾個Level，完全唔吸引了。不過好彩都幾好味，又唔會太甜，初初我重怕會太甜。牛肉麵，我同婆婆2份的，重有香酥雞同滷大腸，大家一齊食。最好味係滷大腸，夠味又淋。牛肉麵就好一般。便堂，一個係豬扒，另一個係豬手。份量好夠，基本太婆個豬手便當都係share黎食。不過仔叫既豬扒便當就麻麻地了。雖然賣相好靚，份量都好夠，但佢個豬扒真係十分之冇味；口感亦都唔好，有肥膏，又厚粉，第一口食落係膏同粉，真係想吐番出黎，而且冇味，要點沙律醬先OK。整體黎講，滷水野都好味，大腸同豬手，係掂既。但係炸野，真心好一般，如果會再黎食的話，一定唔會再叫炸野。埋單5
又係比個code你自己落單，Menu係我自己起身行去拎。搵人斟水要等運到...冇乜人手？唔怪得冇乜人入黎食，冇服務的。埋單自己出去比，連數都要自己計一計，因為會找錯錢的。
我地4個人，叫左２個便當，一個牛肉麵，一個香酥雞，一個滷香大腸，2杯飲品。
飲品一黎就好失望，點解係外賣膠杯?個賣相同Menu圖的玻璃杯真係差左幾個Level，完全唔吸引了。不過好彩都幾好味，又唔會太甜，初初我重怕會太甜。
牛肉麵，我同婆婆2份的，重有香酥雞同滷大腸，大家一齊食。最好味係滷大腸，夠味又淋。牛肉麵就好一般。
便堂，一個係豬扒，另一個係豬手。份量好夠，基本太婆個豬手便當都係share黎食。不過仔叫既豬扒便當就麻麻地了。雖然賣相好靚，份量都好夠，但佢個豬扒真係十分之冇味；口感亦都唔好，有肥膏，又厚粉，第一口食落係膏同粉，真係想吐番出黎，而且冇味，要點沙律醬先OK。整體黎講，滷水野都好味，大腸同豬手，係掂既。但係炸野，真心好一般，如果會再黎食的話，一定唔會再叫炸野。
埋單500鬆Ｄ，平均百幾一個人，都正常啦，佢個便當好似80幾90幾咁上下,加埋飲品120-130一個人正常。
Post
