MAZ Thai & BBQ (Closed)

星期日趁好天過左海行下, 見到蘭杜街呢到有幾間食肆係openrice都有幾高既評價, 但父母又唔想坐咁逼又唔想等位, 所以就試下呢間泰國野, 假日都有lunch set, 由$58-$78, 包一杯野飲, 唔洗加一都幾化算!餐廳環境幾有feel, 中間有張高枱, 岩夜晚飲野傾計, 冷氣又足夠, 燈光有少少暗不過都幾舒服!今次唔係好肚餓所以試左2個set:青咖哩雞飯($58):一上枱果下其實有d失望, 可能個煲太大, 睇落得好少咖哩汁同雞肉, 而個汁又比平時食既稀~ 不過食落好驚喜, 個咖哩汁好香, 就算係稀都好夠味, 好好送飯, 個飯粒粒分明, 不過雞肉略縑鞋口左d, 不過overall 都覺得幾好味!香茅豬排飯($68):豬排炸得好入味, 個汁都好惹味飲品方面, 叫左1杯泰式咖啡同青檸梳打, 咖啡唔太甜但好香好滑, 讚!另外, 見到promotion, 有$98 oyster combo, 1杯酒+6隻生蠔, 希望下次黎試一試!