Cs' Bakery

Open Now

Now Closed

同老公襯清明節假期去拜山，之後落翻西灣河揾食，之前已發現這小店，早些時間已被它吸引，因為歐陸淺色外觀，隔著玻璃還可欣賞賣相極靚又美味的 cake, 就選左去嘆個 Lunch Hea下，店內的的骰骰，三張細圓枱同4位bar枱, 乾乾淨淨但環境適合人少少，價錢合理還有自家麵包，西餅同 cookie, 最鐘意他們用心做嘅拉花 coffee同飲品，還可供客人外賣同訂製蛋糕。熱榛子鮮奶咖啡 送上枱先發現係跳跳虎黎架， 真係巧靚又好有心機做出來！ 讚~~ 香滑夠濃飲落口感較厚身！Hot caffe latte 又換上另一款拉花，還附送一件 hand made cookie, 鬆化香脆！咖啡師真係好用心為每一杯拉不同做型！ All Day Breadfast全日早餐一份也都足料夠，兩片自家製面包，最鐘意就係麵包有 nuts同乾果，每口都嘗到非常豐富嘅質感味道。炒滑蛋香腸火腿，煙三文魚，牛油果醬，沙律菜配炒雜菇。 每樣都新鮮即製，賣相討好味道佳。留肚為左食這件芒果拿破崙， 絕對冇令我失望， 香甜芒果肉配香脆酥皮 ,中間夾著吉士打，食到鬆化又層次的，完美。