茶木‧台式休閒餐廳 (MegaBox) (Closed)

話說放假搵下朋友行街，呢日仲係新年，想試下茶木lunch set，原來無推，要按餐牌正價點。未到lunch time，都算係有位，我地食完剛好1點，就開始滿座，要排隊等位。好耐以前有食過紅燒牛肉麵，係幾好食，今次想飽肚啲，叫其他嘢食。叫咗個小食溏心蛋，幾好食，小小甜口，配青瓜係幾特別。我叫咗炸豬扒麵，豬扒個粉幾厚下，咬落唔算酥炸，都幾油。碗麵係好味，同佢平時嘅牛肉麵底係一樣，不過無咁多配料。我之後都狂飲水，真係食落好渴口。