Dandy House (Closed)

依間餐廳嘅位置真係幾隱蔽。餐廳位於小巷嘅盡頭，前邊有啲雜貨鋪，剪髮店，真係估唔到依度會有一間西餐廳。我哋叫開咗兩個餐，包湯，主菜，甜品同飲品。個南瓜湯好creamy，食到有南瓜蓉。 個多士整得好脆！呢度嘅薄餅只可以揀薄批。用嘅材料雖然都唔係高級材料，只有腸仔，火腿，菠蘿，蕃茄加芝士，但簡單得來都幾好味！個餅底好薄好脆。似餅乾多過薄餅。個三文魚煎得有啲過火，太過熟。個意大利飯嘅生熟就剛好，個汁都調得幾好味。見個肚仲有啲位，試埋佢個炸洋蔥圈。新鮮出爐，熱辣辣，好邪惡，不過真係幾好味！野飲同甜品都算一般。野飲試咗佢嘅是日特飲，荔枝綠茶，啲糖漿痴哂係底，一飲個下好甜，味道麻麻。個甜品係普普通通嘅啫喱，不過不失。餐廳環境幾好，算係幾靜，適合傾計。唯一唔係幾好嘅就係出邊户外座位有人食煙，連我地坐入面都聞到有煙味。下次再黎會要求一張離門口遠啲嘅枱。