路邊煱 (Closed)

今日同朋友出開土瓜灣做野，行到美景街--路邊煱，聞到好香雞煲味，同朋友打個眼色就一齊衝左入準備嘆雞煲!一坐低，職員好親切推介新出嘅海鮮雞煲套餐 (HK$238 每位/ 2位起)，岩哂我地D唔想諗野嘅懶人~ 點菜後職員叫我地細心等侯，因為雞煲即叫即整主角出場 – 小辣, 雞超超超滑! 份量足夠!安格斯肥牛 – 自己睇圖，唔想多講，d 雪花炆! 四個字, 入口即溶蟹子丸x 芝士丸 – 打邊爐必食啦!即炸響鈴 - 其實我覺得呢個先係主角! 超脆超入味，非一般既即炸響鈴。俾10條我都一定食得哂!海鮮盤 – 有蠔，肉蟹，蝦，鮑魚，同多寶魚 ，全部都好新鮮同大舊~絕對唔係比平價野。D蝦肉係堅爽架! 鮑魚彈牙。肉蟹係有膏的~~烏冬 – 係彈牙既~最後仲送贈每人雪米滋一粒, 仲要係紫薯味!!! 大滿足~我一定一定會再encore, 因為雞煲套餐呢個價錢，呢個食物質素，出面一定搵唔到!