大良鴻輝記

Open Now

Now Closed

食完飯十點幾仲見到長長人龍排甜水鋪，本著試一試嘅精神去排下。入到去真係坐滿人食好傳統嘅中式甜品先試個綠豆沙，好中碗好足料，但本人比較鐘意食重果皮味果款多啲，佢就唔係，佢比較甜味重。自己就馬馬地所以食半碗夠。全場半數人都係食糊狀糖水，所以又要叫碗試下，可以雙併唔使加錢。芝麻糊好幼細，口感冇沙冇豆，入口即落喉嚨，味道方面，好香唔算甜。杏仁糊方面就唔夠其他主流中式甜水店出色。想雙併嘅朋友可以試下合桃糊。桑寄生蓮子蛋茶，隻蛋好食出奇地入味，碗菜甜中帶甘，價錢都唔算貴，可以推薦。