Gaba Concept (Closed)

為咗健康，係要付出金錢嘅。依句說話正正係我地食完嘅感覺。餐廳嘅食物感覺上非常健康，但價格上偏貴。個意粉味道清淡，有淡淡的青醬味，意粉嘅軟硬適中。個雞好似冇落乜嘢調味料，味道尚算OK ,唔算太鞋。呢個飯同個意粉嘅味道其實有啲似，兩個都幾清淡。令我哋有驚喜既係個飯裏面落咗好多豆同穀類，感覺好多纖維好健康。個帶子生熟剛好，食落去好滑，味道不錯。個甜品唔算特別，個窩夫有啲凍，而且唔脆。整體來講，價錢偏貴份量偏細，健康食品，只可說我哋唔識欣賞。再加上侍應太少，叫極都叫唔到佢哋，而且上菜嘅時間都算幾耐。