那個ㄋㄚˋ ㄍㄜ (東寶大廈)

Open Now

Now Closed

短時間內再次幫襯呢間野，比上次多左客人，即係需求增加，但餐廳既供應符合到客人嘅要求嗎？首先，我哋一行五人落咗單之後，等咗15分鐘先至有嘢食，唔淨止我哋枱其他枱都係。眼見收銀機嗰個位企滿晒人，就知道呢間舖頭仍然只收現金。都已經試業完畢，理應該要解決呢樣嘢，無論出菜定係收銀都起碼要快手。講返食物質素，玖香啤酒豬軟骨便當 3/5無乜酒味，豬軟骨食到有啲鞋肉，唔係完全蚊到好淋，配料係好食，粉絲，泡菜，都係上次個水準。香酥魚菲力便當 4/5又係好大份，炸魚好大舊，炸得夠香脆，炸魚都夠味道，唔會太厚粉，落紫菜粉，辣粉定鹽酥粉都令到味道提升。地點:方便，附近好多野食。環境:今次安排了坐角落頭卡位，坐得舒服，一眼望曬成個餐廳，卡位位置疏落啲，同隔離枱無咁迫。價錢:一個便當加野飲，90蚊一個人，算偏貴。服務:慢，要等太耐真係唔得掂。