D Corner (Closed)

其實喺出面見到價錢牌都已經覺得幾貴，不過見呢間餐廳人少， 貪唔使等位，所以嚟試下。環境唔錯，幾多靠牆梳化位，望落都幾似 西餐廳。不過我食茶餐呢啲都無乜所謂。食左西多，扒腿芝治，腸煙肉卷併薯條，吉列魚柳併春卷...份量好細，味道正常。茶餐食既都係茶記野，性價比好低。比較有驚喜，係扒芝腿治用蒜香牛油煎，食落好似蒜蓉包咁，幾好味。原本價錢已經貴(西多要$38)，下午茶時間都仲要加一，服務既好似係老闆本人/屋企人，唔係着制服，感覺唔係太好。