JOL Cacao (Moved) New Location

見新開，一大班friends都想試，就過左黎買。我試左70%朱古力（$36）細細杯，飲落朱古力味偏酸，比較「杰」身，飲到係好原始嘅朱古力味，唔甜，雖然細杯，但都幾漏。都試左朋友買嘅鐵觀音朱古力（$36）同伯爵茶朱古力（$36）茶味重，朱古力都係偏酸，夾埋有啲酸酸苦苦嘅味。有啲朋友覺得過酸，唔太鍾意。另外我地仲買左佢嘅手工朱古力，66蚊6粒，6種唔同口味，朱古力偏硬，唔甜，都係有種好原始嘅味道。職員話可以放室温，不過一開大家一人一粒都食晒啦😂。間舖得一個職員，我地叫左6杯，都等左一陣，好彩喺誠品裡面，可以周圍行下先。