炊豕店 (威靈頓街) (Closed)

中環放lunch時間周圍都好多人，咁岩自己走到威靈頓街揾食。見到炊豕店，因之前係銅鑼灣食過，所以想試吓中環店如何😛。由於限眾令，所以要排隊等位，枱上有隔板隔開。睇返 menu，我就選擇叫肉燥汁豬扒飯($58)加罐雀巢檸檬茶。肉燥汁豬扒飯($58)坦白講，因為佢將豬扒直接放上飯上上菜，所以賣相比較一般(與菜單比)。豬扒皮炸得脆口，炸粉不會過厚，肉質OK，並不會硬身，不錯。但致命傷係肉燥汁...我唔太識形容味道係點，但汁比較稀身，又冇乜肉粒，同一般台灣菜嘅肉燥汁唔同，偏鹹，有啲失望。我最後淨係食哂冇汁果邊嘅白飯😖，可能蔥油好啲。Overall,配上成罐檸檬茶，成個 lunch都好飽。