草民 (Closed)

之前好羨慕周杰倫屋企有人工室內草地🌱今次去嘅呢間cafe終於滿足左我呢個願望✨🤩cafe嘅裝潢好小清新feel💛唔單止枱嘅玻璃底下見到綠色花園，餐廳嘅一個角落有間榻榻米小屋🏠crossover一片綠油油嘅草地，見到就想即刻除鞋攤上去，好有野餐嘅感覺😆食野嗰陣特別relax，仲可以不停打卡📷千島海鮮披薩🍕野餐點少得薄餅呀😆Pizza係薄批黎嘅，分到六份，個餅皮焗得好好，軟硬度適中，批邊仲好香脆，仲食到粒粒蠔肉🦪，配埋面層嘅芝士🧀一齊食，仲有粟米粒、紅椒等蔬菜，啖啖都好滿足☺️黑松露牛肝菌野菌意大利飯呢個risotto 除左夠晒黑松露味，牛肝菌同野菌都幾足料，醬汁濃厚，面頭仲灑上芝士碎🧀，每一羹嘅飯都包裏住滿滿嘅醬汁同埋菇菇😋賣相都精緻，睇得出廚師喺每道菜式嘅細微位都唔會馬虎，好比心機去煮💚💛孜然單骨雞翼呢款雞翼係單骨嘅，食起上黎好方便😚孜然味濃厚得黎又唔會太咸，外脆內軟，愈食愈滋味，停唔到口，食完一隻又一隻🤭和茗🍵食完pizza 同埋雞翼之後好想飲番杯茶去潤潤喉，呢杯茶混合左幾種花🌸同埋水果🍑，有矢車菊、玫瑰花瓣、金盞菊、水蜜桃同黃杏，飲起上黎有淡淡嘅水蜜桃香味，聞起上黎花香飄逸，值得一試