Video
Read full review
2021-04-09
97 views
今天又去又食好西，去荃灣大鴻輝中心六樓“極品靚鍋“打邊爐。 一入到去個樓底勁高，空間感好足夠，座位都幾濶落。 湯底有十一款，好多選擇 。我地滋陰啲 揀咗海底椰雪耳竹絲雞滋潤鍋。 重點嚟啦 ，呢個套餐C特別之處有 美國SRF極黑和牛肩胛肉眼 ，澳洲短角牛肉眼 ，澳洲短角牛牛柳 和牛肩胛肉眼。 夠晒牛味 又唔會好肥或好瘦 而且肉質鮮嫩 。而兩隻澳洲短角牛肉眼同牛柳牛味都重，口感方面就會結實啲。 另外 同B套餐一樣有得選擇嘅 有美國安格斯肥牛 同我最鐘意， 而且唔係到到都有嘅 美國PRIME封門柳。 安格斯 一向都冇得輸 不過講究啲 或者想肉質嫩返啲 牛味重啲 當然 封門柳。 另外 最基本A餐都已經有得揀嘅美國PRIME肩胛肉眼， 職員話呢隻最重牛味。而海鮮方面，我係好鐘意食 ，選擇都夠多，要讚下個花膠 ，對比平時任食打邊爐啲花膠 佢真係有質素啲 唔係果啲煲成晚都仲唔腍 永遠都唔會縮嘅 山寨貨 。佢地仲有啲 自家制 推介 洋蔥牛肉餃 同黑松露豬肉餃 。個餡係唔錯 ，黑松露味出架 ,洋蔥牛肉餡都有屋企感覺 。 最有驚喜就係 自家制 嘅 茉莉花冷泡茶同玫瑰烏龍冷泡茶 ，獨立包裝，干淨衛生。出街飲
一入到去個樓底勁高，空間感好足夠，座位都幾濶落。
湯底有十一款，好多選擇 。我地滋陰啲 揀咗海底椰雪耳竹絲雞滋潤鍋。
重點嚟啦 ，呢個套餐C特別之處有 美國SRF極黑和牛肩胛肉眼 ，澳洲短角牛肉眼 ，澳洲短角牛牛柳 和牛肩胛肉眼。 夠晒牛味 又唔會好肥或好瘦 而且肉質鮮嫩 。而兩隻澳洲短角牛肉眼同牛柳牛味都重，口感方面就會結實啲。
另外 同B套餐一樣有得選擇嘅 有美國安格斯肥牛 同我最鐘意， 而且唔係到到都有嘅 美國PRIME封門柳。
安格斯 一向都冇得輸 不過講究啲 或者想肉質嫩返啲 牛味重啲 當然 封門柳。
另外 最基本A餐都已經有得揀嘅美國PRIME肩胛肉眼， 職員話呢隻最重牛味。
而海鮮方面，我係好鐘意食 ，選擇都夠多，要讚下個花膠 ，對比平時任食打邊爐啲花膠 佢真係有質素啲 唔係果啲煲成晚都仲唔腍 永遠都唔會縮嘅 山寨貨 。
佢地仲有啲 自家制 推介 洋蔥牛肉餃 同黑松露豬肉餃 。個餡係唔錯 ，黑松露味出架 ,洋蔥牛肉餡都有屋企感覺 。
最有驚喜就係 自家制 嘅 茉莉花冷泡茶同玫瑰烏龍冷泡茶 ，獨立包裝，干淨衛生。出街飲成二三十蚊枝。
唔飲凍 仲有四款茶包可以揀 #茉莉花茶 #玫瑰烏龍茶 #洛神花瓣玫瑰茶 #杞子圓桂茶
雪糕就開心好多啦，有成10款唔同味道 我地一共試咗七款🤣🤣
伯爵茶味 呢個有驚喜，必食。
咖啡味就鐘意佢仲帶點苦味， 係「炭燒咖啡味」識合
綠茶味 偏向 宇治抹茶味 茶嘅苦澀味正好中和油膩
#仲有豆腐味 ，蜜瓜味 ， 雲尼拿味 ，士多啤梨， 芒果味等等
講返雪糕全部係香港製造 。
總括嚟講 ,二百零蚊食到高質牛肉，有冷泡茶飲，座位舒適，食物同飲品同甜品都勁多選擇。仲要有埋外賣，夫復何求呢。
Post
