臺北棧 (荷李活道) (Closed)

台灣菜周圍都可以食到，但要同時有新潮同型格既感覺，相信只有中環呢間。唔走傳統路線，店內佈置型格，亦播放住唔同既台灣歌，等食客食得更有感覺。基本上餐牌有齊麵、蛋餅、滷水台式小食、甜品等，最特別係餐廳提供特色酒精類飲品。可惜我唔太飲酒，如果唔係應該好正。首先叫啲開胃小菜，唔好睇佢細細碟，其實份量都唔少。芥末雲耳淮山雲耳有少少芥末味唔會好辣，亦唔會搶去主角既味道，而淮山有少少似牛蒡，偏硬有口感。櫻花蝦烏醋燒茄子茄子略為浸係醋中，櫻花蝦撒係上面，再加少少蔥，一啖食晒咁多野好正，而且有酸酸地好開胃。黑椒蒜香台腸黑椒味濃烈，蒜片味亦好出，炒得好惹味。腸仔切到一小片一小片咁，令你可以不停咁食食食好似食零食咁。黑松露玉米蛋餅蛋餅塗上大量黑松露醬，遠遠已經聞到好香，蛋餅裡面有粟米粒，內外都好豐富。窩夫鹽酥雞佢有兩款鹽酥雞，驚食唔晒最終叫左呢款。一黎到見到擺設好靚，鹽酥雞有三大粒，每粒仲串住一塊窩夫，仲夾左少少菠蘿碎。鹽酥雞炸得脆口，內裡雞肉滑嫰，熱辣辣好熱氣但一配埋酸甜既菠蘿即刻中和晒。自製酸辣牛肉麵牛肉麵有牛腩同牛筋，兩者都好軟棯，後者唔似一般牛筋好硬。最欣賞係個麵，口感一流，好多手工麵都冇佢咁好食，