龍翔酒家 (Closed)

今年做冬慳返啲工夫，買出面盤菜食，煮咁多人分量都好花時間。之前都試過其他餐廳的盤菜，但質素參差。盤菜最忌料唔足，收一千幾百食豬皮魚旦就難以交代，就算有時睇落係貴價食材但一食就知係次貨；另外食材入唔入味都緊要，試過一盤野食材完全無味，只係撈汁，仲要點辣醬先食得落。今次試呢間盤菜算幾唔錯。料足，味濃，分量亦非常慷慨，十二人分量但基本上十二人食八成都飽到滯鮑魚 ：大大隻，隻隻湯匙咁上下大，軟糯，有魚味瑤柱：原粒，差唔多一蚊銀咁大，炆到諗而不散，鮮美花膠：大片，有膠質黏口，唔係車仔麵貨色金蠔：最好食呢樣，大粒，鮮甜唔腥，上等貨，而且入哂味，出色扣肉：肥廋均勻，炆到諗哂入味，送紅酒一流蘿蔔：一路熱住食到最後，鮮甜湯汁喂哂入去，大滿足仲有其他幾樣，鮮蝦，切雞，燒鴨，花菇等等都幾好，都係新鮮食材。盤菜有跟埋一大兜湯汁，一路慢火滾住食一路加，唔會食到乾晒。家人非常滿意，無投訴，團年飯可以番食