神經餵飼 (Closed)

三年前第一次黎呢間咖啡店食過正餐，我承認我地當時比較大食，所以唔夠飽，哈哈期後都有回訪過多次，主要食甜品、飲咖啡，感受良好。雖然太子、旺角cafe唔少，但質素參差，如果想hea都會選擇呢度。餐廳有兩層，其實我地未去過上層，下層係開放式廚房，假日客人頗多，由店員安排位置，客人自行到櫃枱點單結帳，店員送餐，餐具自取。唔係好熱情、好有溫度嘅小店，但so far我地冇遇過啲咩唔好嘅經驗餐牌供應7至8款主食，例如丼、沙律、三文治等，定價$68-140。當日仲有兩款戚風蛋糕；飲料有咖啡、茶、梳打等。溫泉蛋燒汁豚肉丼 $92主食價格略高，少少地下午茶咁嘅份量，豚肉足夠送哂碗飯，肉質偏瘦，連同隻啱啱煮好嘅溫泉蛋一齊食，都唔會話好嚡。芝士奶蓋烏龍戚風蛋糕 $52奶蓋做得唔錯，有芝味，質地稠身，凍凍地有啲乳酪感覺。蛋糕茶味隱約咗啲，不過質地夠濕潤、有彈性抹茶拿鐵 $45抹茶拿鐵一向穩陣，唔算極濃，一般人應該收貨。