神經餵飼 (Closed)

同友人外出食飯，見到呢間cafe 感覺唔錯，就入去一試。由於唔太肚餓嘅關係就只係叫左一個lunch set share，再叫左個甜品。叫左lunch set 咖哩漢堡扒蛋包飯，一黎到就見到份量好足，汁同飯都好多，唔會唔夠汁伴飯食。雖然係日式咖哩，但唔會好甜，反而香料的味比較出，帶少少辛辣感，同友人都幾欣賞呢個咖哩。不過個咖哩只係得汁，如果可以加返少少配菜，例如紅蘿蔔、薯仔粒咁會冇咁寡。漢堡扒方面有兩塊，味道都算唔錯。整體來講性價比算高。同友人各自叫左一杯咖啡，我叫左 cappuccino，友人叫左dirty，但我地都覺得杯咖啡麻麻地😅咖啡味道偏酸，如果鍾意fruity 感較重嘅人可能比較適合。另外再叫左個士多啤梨忌廉蛋糕，以忌廉蛋糕黎講，就好少忌廉😂😂，除左粒士多啤梨之外，個蛋糕都冇乜香味。印象中好似55蚊，呢個價錢食佢就真係唔算抵食，可能其他蛋糕款會更好。

之前行過太子，諗住搵一間靜靜地坐得幾舒服cafe，可以過一個悠閒嘅下午，今次行過就走咗入去，地方都幾舒服，好有家嘅感覺，叫咗杯美式咖啡之後，就開始睇書，一睇就睇咗成日。

早排去花墟買花前，順便在太采附近食野，原先想食果間只做外賣，經朋友介紹，就去左食神經餵飼。（我遲左寫😅）開頭聽個名都唔知食乜，仲覺得好奇怪，好擔心中伏。好彩，趕得切廚師落場前食到個午餐😋😋意外地好食👍🏻👍🏻👍🏻朋友叫左豆腐飯同茶，我叫左漢堡包同mocha 。全部都超好味😋豆腐飯啲飯係用日本珍珠米，粒粒分明，好有𡁻口，又有飯香😌😌好耐未食到一間餐廳有咁好食嘅飯。豆腐都唔錯，但我眼中佢變左配角🤣手打和牛漢堡，應該都真係手打，等左好耐先有得食，但值得等待👍🏻👍🏻好好味😋朋友嘅茶同我杯mocha 都好飲，好適合打卡用。mocha 咖啡同朱古力味都唔會太搶，各有千秋，唯一投訴係個拉花太普通。同朋友好relax 咁chill左一個下晝，可惜食唔到蛋糕……最唔開心係，原本仲好開心咁諗，以後去太子都唔使煩食咩。點知…..第二日…..ig 就話做埋今個日唔做….😭😭😭真係好可惜，希望後會有期。

原本想搵一間位於太子嘅Cafe打發時間，喺度發掘緊有邊間Cafe適合嘅時候，突然醒起神經餵飼。以前試過喺度叫咗個lunch set同杯咖啡，由於佢入座後唔限時，可以坐底慢慢嘆杯咖啡，悠悠閑閑咁過咗一個下午。今次我叫左杯latte，唯一美中不足嘅係杯咖啡唔夠熱，只係暖暖地。雖然飲食方面好似冇以前咁好食，但值得讚嘅係佢地啲menu成日都唔同，每次嚟都可以試吓唔同款式，同埋勝在佢可以唔限時間坐，適合同朋友嚟吹下水。可能今次係下午茶時間嚟，所以冇咩人排隊，記得以前嚟食晚餐有好多人等位。

其實幾年前已經試過神經餵飼😀果次坐上面非常free好似日式甘坐法，好啱同班fd hea下。今次坐下面靠，環境冇變，依舊寧靜，侍應們好似再細個左😂serve我地既女仔幾有禮貌，我叫左個雜菌豆腐飯($7x)，而我妹就叫左個日式雞扒丼($14x)，野飲就叫左latte同dirty,個dirty我預先睇左open rice知道係熱咖啡加落凍奶，幾得意，係我喜歡的味道☺個雜菌豆腐飯辣辣地好惹味，反而個雞扒乾在d,冇乜味…希望呢間食店可以keep住水準同環境，因為一開始的印象很好💛

平時都好少寫食評，但因為神經餵飼喺屋企附近好多年，曾經係最喜歡嘅Cafe之一🥲 早兩日去食嗌咗個肉醬意粉配蒜蓉包，同伴嗌咗豬扒定食，兩碟都大份到好似茶餐廳碟頭飯咁，而且賣相已經同之前差好遠🥺 目測隔離嗰幾枱都無人食得哂⋯ 然後再望下廚房伺應，同之前請嘅人感覺都唔同哂，以前請嘅人俾人感覺真係文青，同餐廳環境好融合到。同埋，宜家餐廳已經唔再係以前咁嘅自助形式，喺外邊望完餐牌再自己俾錢了，本來都覺得算係一個特點。整體而言餐廳質素差了好多，好似全個班底都換哂⋯⋯但食物價錢同以往比較一樣咁貴，希望快啲有所改善啦😢

坐下後店員跟在下說Menu在出面在下以為自己聽錯是點餐在出面？於是下意識重覆了店員的話「menu在出面」說完後在下便往剛進來的地方走去對 是門口..看看左邊有台電腦💻在充電（？）再乕看前方只有安心出行的QR Code..只隔一晚沒出門吃飯難道現在先進到安心出行和Menu可以2合為1？站在原地發了幾秒呆難道在門外？在下想到這句話的同時店員指示在下看看我的右邊..呃😅原來有好大塊黑板在那邊有選擇困難症的在下..把它拍下來回位置慢慢點指兵兵雜菌豆腐飯 $75剛吃了份麵沒反應看來在下是想要吃飯了所以 找飽肚的豆腐和在下喜歡的菇菇在下覺得..好吃耶感覺有點家常便飯😶也有點像在下煮的褔食（繞好大一圈讚自己？😅)吃了好幾口舌頭有點麻麻感原來這尾餸是辣的 😃但味道不會很濃一碟餸和一碗飯的份量剛剛好而味噌湯..何解是冷冷的..我的心好冷..等著你來暖卻越飲越是冷🥶所以味噌湯在下只喝了2口和把料都吃光就放置它飲料在下點了Dirty $36因為還未想喝咖啡☕️但..這裡的選擇..讓在下點咖啡☕️本來是想要例牌Cappuccino突然看到「熱」DirtyDirty也能沖熱的？必定要試試知道Dirty的人都會知道

想起有好些年沒有食過住家飯了，收工有d時間要hea下，醒起太子有間不限時既小店，坐坐，享受下一些家庭小食，希望過一個快樂的晚上🤭紅酒燴牛肋條定食（148$）先說主食吧，牛肘條份量十足，炆得非常之淋，好好食！酸蘿白就真係太酸啦，酸到我好似食左十次lemon既樣😖😖，如果少d分量會更好～開胃菜份量真的不必太多～麵豉湯則一般水準，無驚亦無喜Mocha (45$)Mocha 味道不錯👍🏻，巧克力及啡味並存～這間的價錢偏貴，我認為大概120-30左右會比較適合，相信貴就貴在那一句不限時任坐的服務，我亦是看中這一點🤭🤭，就讓我這個今晚要等到10點既人坐到回本吧🤣🤣🤣

其中一個staff 載眼鏡男仔落雨人人都會躁 但我只不過聽唔到佢講咩 落雨聲太大 佢就repeats 餐牌係到！語氣差到一個點 佢唔想返工可以唔返 唔入一肚火唔會再黎 😡🤬D態度同茶記沒咩分別 同埋我係第一次遇過此事 將心比己 如果你去一間餐廳 個staff 甘樣用重語氣指著個menu 話 「餐牌係到！ 」佢有咩感受？

今日同朋友去左bookmark左好耐既cafe食lunch😋1️⃣日式咖哩漢堡扒蛋包飯🍛咖哩同漢堡扒就不過不失，個蛋包飯個蛋整得好滑，同埋份量好大，我地兩個女仔食唔曬😂（仲可以免費添飯）2️⃣黑松露煙三文魚炒蛋牛角包🥐個包都係好大，d料好足，好正😋3️⃣牛油果沙冰同柚子梳打

叫了個豬扒定食，等了差不多25分鐘，慢工出細貨諗住好好味，切開後點知塊豬扒勁多筋難切開，切得開食落又韌又唔開，成塊豬扒等於無食過間鋪食物唔平比啲咁嘅質素食物真有小店欺客感覺評分方便完全唔抵食，唔知點解整唔走粒星

太子站附近的一間文清日式餐廳，室內主要是木系風。週末通常都坐滿人，所以我在一個清假的星期五下午去的。哪天我比較晏去，所以原本想食明太子雞肉親子丼，可是當我想好要叫的時候，店員話剛剛賣晒。我在想點什麼好時，廚師先生話可以幫我煮滑蛋豬扒飯加明太子，廚師先生真係好人士的💛滑蛋豬扒飯 (HK$108)．特別加上一湯匙的明太子😁．厚切豬扒，肉質鮮嫩多汁．配上香滑濕潤的滑炒蛋．日本米配日式醬油，味道不錯👌🏻．配有豆腐味噌湯和coleslaw salad牛油果青蘋果沙冰 (跟午餐 +HK$15，單點 HK$58)．幾清新的配搭．幼細沙冰，這種天氣飲，感覺超爽．青蘋果味道比較濃，牛油果味道比較淡，所以比較酸甜而少啲creamy

又一間私心幾喜歡既日式家常料理小店 menu成日轉 食得出用心製作既感覺 環境係令人好舒服木系裝修🧡 🍄雜菌豆腐飯 ($98) 好多好多豆腐同埋菇 兩樣都好入味 個汁有少少麻辣既感覺 撈埋個飯食好jeng🍱生薑燒豚肉定食 ($138) 菜同豚肉份量比例啱啱好 薑既味唔算重但食得出 仲有沙律豆腐同埋湯 成個好豐富!🦪清洒煮蜆 ($48)🌟份量都幾多 每隻都好肥美新鮮 推介呢個小食!! —————————————————————😋 味道評分: 7.8/10 🥳環境評分: 8.8/10🤑性價比: 7/10🤩回頭度: 8.3/10—————————————————————📍 神經餵飼Feed Your Nerves旺角砵蘭街434號地舖

餐廳嘅名幾得意，我地除左要食物填飽肚子之外，都要餵飼一下心靈同埋神經。餐廳lunch set包埋$40以下嘅飲品。雖然定價偏高，但係份量都幾大，兩個女仔可以share一碟。留意返每人最低消費係一杯飲品🙆🏻‍♀️ 餐廳環境幾舒服，會提供wifi，亦冇限時，但多人時下層環境比較嘈雜，可以選擇坐係上層閣樓。食物質素不過不失，得閒可以同朋友去chill下😌 侍應都幾nice幾warm😍------------------------番茄明太子蟹肉意粉 $128 【8/10】因為有番茄汁嘅緣故，醬汁比小編食嘅其他明太子意粉冇咁杰，而且佢帶有少少甜味，加埋芝士粉食落去都唔漏。蟹肉份量適中，由於已經mix埋醬汁，蟹肉吸咗番茄汁嘅甜味，不過就同啲番茄汁混為一體，所以要自己發掘一下先搵到啲蟹肉😛------------------------日式咖喱和牛漢堡扒飯 $85 【6.9/10】日本咖喱唔辣，帶有少少甜味，唔會太鹹。但漢堡扒表面有啲燶，整體比較乾身😳 蛋食落去幾滑，但是未到超好味嘅程度。整體不過不失，唔會特別推介🤭------------------------牛油果青蘋果冰沙 $58（套餐+$1

🍛雜菌豆腐飯 ($75)好鍾意呢到有vegan friendly既lunch options🤍大家見到相都一定流哂口水 佢既味道同賣相一樣咁正😋首先個飯黎到 我覺得個飯好日式好可愛🙈跟著個汁帶少少麻辣 七味粉吊味同芝麻既口感好夾 撈飯食真係絕配😍豆腐好滑好多 而菇有好多種類 食落好飽肚 好溫暖既感覺 超滿足👍🏻☕️Latte (冷/熱跟餐唔使加💰）估唔到lunch set 都有大大杯coffee跟餐 ($$唔算好進取👍🏻) 我同朋友每人一杯latte 都覺得幾好飲 餐廳用🇯🇵明治牛奶 所以飲既時候非常滑通同濃奶味❤️一一評分：😋味道: 👍🏻👍🏻👍🏻👍🏻🤩賣相: 👍🏻👍🏻👍🏻👍🏻🌝環境: 👍🏻👍🏻👍🏻👍🏻💰價錢: 👍🏻👍🏻👍🏻🙈服務: 👍🏻👍🏻👍🏻👍🏻🗣回頭率: 👍🏻👍🏻👍🏻👍🏻一一🙅🏻‍♀️加一🙅🏻‍♀️限時