Video
Read full review
2021-04-10
857 views
Brew Note絕對係我嘅愛店之一，除咗夠💛💛之餘，咖啡嘅質素都係我飲過嘅coffee shops當中質素比較top，尤其是手沖咖啡，仲要夠近屋企🤣所以都會時不時去下，呢次就專登揀個weekday放假嘅朝早去試下佢只有朝早10－12點先供應嘅早餐set，幾款set嘅吐司都用咗品穀嘅生吐司，要食真係要專登較啱時間嚟呀。BN咖啡咖央法式吐司（品穀生吐司、House Blend咖啡牛油、咖央醬、香蕉、夏威夷果仁）法式西多士嘅賣相，吐司有兩大件，成件吐司已經被蛋汁浸透，所以食落口感勁鬆軟而且有蛋香，應該係浸咗蛋汁好耐。個醬汁係用咖啡牛油同咖央醬整成，冇乜食過咖央醬所以都唔記得係咩味😂不過呢個醬汁甜甜地，嗒多兩下就會滲出咖啡味，我覺得咖啡味可以再濃多少少或者苦少少就更正更有個性。另外仲有焦糖香蕉，面頭層焦糖脆卜卜，連埋吐司食就係一個啱啱好嘅早餐😍。Shakerato 夏日熱辣辣就多咗試一啲清爽啲嘅咖啡飲品，好似係espresso tonic或者shakerato咁，唔知大家又係唔係呢？Brew Note嘅shakerato就用咗lemonade🍋去整，飲落非常refreshing，檸檬酸香令到
BN咖啡咖央法式吐司（品穀生吐司、House Blend咖啡牛油、咖央醬、香蕉、夏威夷果仁）
法式西多士嘅賣相，吐司有兩大件，成件吐司已經被蛋汁浸透，所以食落口感勁鬆軟而且有蛋香，應該係浸咗蛋汁好耐。個醬汁係用咖啡牛油同咖央醬整成，冇乜食過咖央醬所以都唔記得係咩味😂不過呢個醬汁甜甜地，嗒多兩下就會滲出咖啡味，我覺得咖啡味可以再濃多少少或者苦少少就更正更有個性。另外仲有焦糖香蕉，面頭層焦糖脆卜卜，連埋吐司食就係一個啱啱好嘅早餐😍。
Shakerato
夏日熱辣辣就多咗試一啲清爽啲嘅咖啡飲品，好似係espresso tonic或者shakerato咁，唔知大家又係唔係呢？Brew Note嘅shakerato就用咗lemonade🍋去整，飲落非常refreshing，檸檬酸香令到咖啡本身酸味更突出，兩者平衡度剛好。
人均消費：$130
推介指數（10分為滿分）：7.5分
Post
