Video
Read full review
2010-02-23
12 views
一大棚人去食飯，通常都揀食中菜，一張大圓枱，貪熱鬧又夠氣氛，而中菜裡都幾鍾意揀京川滬菜館，因為菜式選擇多丫嘛！唯一唔鍾意中菜館收茶錢、前菜做生意手法，真係想問如果唔要茶，凈係俾壺滾水哩係咪唔計茶錢？反正有D人唔飲茶，要飲水，有D人就叫汽水，飲茶都唔係必需。而前菜就更加唔會問你要唔要就放低幾碟晌度，有D呃得一碟得一碟嘅感覺！凈係茶錢($10/位)、前菜($12/碟)都可以話凈賺我哋成舊水有多呀！我哋一行9人，俾咗張大圓枱，但就係馬蹄形梳化位，有3個坐外圍，有6個坐埋面馬蹄形梳化，出出入入比較唔方便，所以馬蹄形梳化位唔應該設計做大枱，供應4-5人就好D喇！另外，佢哋D茶杯又幾「騎呢」，唔係平口，係斜口，斟水好易唔覺意斟瀉，飲嘅時候又唔係咁就口，真係懶有個性！以尖沙咀中菜館哩計，價錢都唔算貴，除咗個松子桂魚同龍井炒蝦仁要百幾蚊，其餘一般都係$60左右，份量都OK，好似我哋叫咗10樣嘢：鎮江肴肉、三鮮伴海蜇、鮑汁扣三菇、乾貝時蔬、原條松子桂魚、黑醋排骨、京醬爆肉絲跟叉子燒餅、龍井炒蝦仁、雪菜肉絲炒年糕、炸銀絲卷、高力豆沙香蕉同棗泥窩餅。餸菜水準？覺得唔錯！先講個樣，賣相都睇得出有花過心機，唔會
我哋一行9人，俾咗張大圓枱，但就係馬蹄形梳化位，有3個坐外圍，有6個坐埋面馬蹄形梳化，出出入入比較唔方便，所以馬蹄形梳化位唔應該設計做大枱，供應4-5人就好D喇！另外，佢哋D茶杯又幾「騎呢」，唔係平口，係斜口，斟水好易唔覺意斟瀉，飲嘅時候又唔係咁就口，真係懶有個性！
以尖沙咀中菜館哩計，價錢都唔算貴，除咗個松子桂魚同龍井炒蝦仁要百幾蚊，其餘一般都係$60左右，份量都OK，好似我哋叫咗10樣嘢：鎮江肴肉、三鮮伴海蜇、鮑汁扣三菇、乾貝時蔬、原條松子桂魚、黑醋排骨、京醬爆肉絲跟叉子燒餅、龍井炒蝦仁、雪菜肉絲炒年糕、炸銀絲卷、高力豆沙香蕉同棗泥窩餅。
餸菜水準？覺得唔錯！先講個樣，賣相都睇得出有花過心機，唔會「求求其其」咁，好似鎮江肴肉，出面多數都係將切長條狀，平平整整堆埋一齊就上碟，依度都叫做一片疊一片擺個環形，再晌中間加D甘筍絲伴伴碟！此外，松子桂魚同龍井炒蝦仁嘅賣相一樣幾好，可能有人覺得係D花巧嘢，咁做菜都要色香味俱全嘅！
味道方面，大部分都可以話基本以上，即係唔會有邊碟好差好難食，叫做四平八穩啦！但其中有3道菜我又覺得做得較為出色，第一個係黑醋排骨，色澤比一般食開嘅糖醋排骨深D，食落甜酸味有層次，唔嗆喉，排骨炸得鬆化，外層脆漿亦唔算厚身；第二個係原條松子桂魚，首先佢有番咁上下大條，加上花心思搞靚個樣，起碼“色”方面過咗關先啦，“香”就唔在講，因為炸脆晒個魚身，變得上枱時熱辣辣，香噴噴，而味道唔錯，淋上面嘅甜酸汁令人食落醒神開胃，咬落魚皮脆卜卜，而裡面魚肉仍嫩滑非常，依個真係做得好有水準；第三個輪到講個甜品棗泥窩餅，平時晌上海菜鋪食豆沙窩餅就食得多，今勻改試棗泥，覺得佢正係因為棗泥D棗味非常突出又軟身，一擺落口D棗味搶住出哩。其實另外個甜品高力豆沙香蕉都好正，但真係被D棗泥搶晒鏡！
Post
