Video
Read full review
2017-12-11
2828 views
尋日(10-12-2017 Sun)晏晝同老公落荃灣買o野,由於冇食晏,所以我o地就食個下午茶,佢話呢o度開o左間有格調o既西餐廳,我o地就行o黎睇,啊,原來係森美,唔知同之前另外o個間有冇關係?我睇見有$128.00o既二人下午茶,覺得可以,於是入去, 而呢間o野重擺o左好多膠公仔做裝飾,裝修都好特別.我o地坐低後再睇menu,就決定要呢個二人下午茶啦,但原來禮物六,日,下午茶要3點後至供應,我o地唯有坐住等時間過,真係唔好意思.o係呢個時候,我老公就係咁影人o地啲公仔,我o地等呀等, 等呀等,終於到3點喇,我o地就叫呢個餐喇,我要熱伯爵檸檬茶,老公要熱特濃咖啡,女職員即刻話佢知係細細杯,佢話OK.落完單後,兩杯飲品先後o黎到,男職員問我落唔落糖,我就答唔使,佢就冇擺低啲糖.我篤完檸檬飲,伯爵茶味道偏苦,麻麻地.而老公o個杯真係好細杯,重要只有半杯,個杯碟都烘熱o左o既.老公一飲,好苦.十幾分鐘後,成個下午茶到o黎,顏色又係好吸引,影好相後,我由右邊o既沙律開始食,雜菜沙律,車厘茄同唔知係咩菜,個菜冇乜草青味;水牛芝士車厘茄,黑醋好醇好味.然後到魚,蝦,蟹迷你漢堡包,魚係三文魚,蟹就
我o地坐低後再睇menu,就決定要呢個二人下午茶啦,但原來禮物六,日,下午茶要3點後至供應,我o地唯有坐住等時間過,真係唔好意思.o係呢個時候,我老公就係咁影人o地啲公仔,我o地等呀等, 等呀等,終於到3點喇,我o地就叫呢個餐喇,我要熱伯爵檸檬茶,老公要熱特濃咖啡,女職員即刻話佢知係細細杯,佢話OK.
落完單後,兩杯飲品先後o黎到,
男職員問我落唔落糖,我就答唔使,佢就冇擺低啲糖.我篤完檸檬飲,伯爵茶味道偏苦,麻麻地.
而老公o個杯真係好細杯,
重要只有半杯,
個杯碟都烘熱o左o既.老公一飲,好苦.十幾分鐘後,成個下午茶到o黎,顏色又係好吸引,影好相後,
我由右邊o既沙律開始食,雜菜沙律,車厘茄同唔知係咩菜,個菜冇乜草青味;水牛芝士車厘茄,黑醋好醇好味.然後到魚,蝦,蟹迷你漢堡包,魚係三文魚,蟹就係蟹肉,
所有漢堡包o既味道正常,但個包就比較特別,甜甜地同係有烘過.之後到甜品,先食閃電泡芙,切開一半睇,內裡有蛋黃醬,
蛋黃醬冰凍又唔太甜,可惜唔脆.而精選蛋糕呢,我以為係芝士蛋糕,老公食o左啖,話唔係芝士蛋糕好似係栗子,我睇到都覺得係,
食落,真係栗子蛋糕, 栗子蓉好滑亦都唔係太甜,幾好味.最後o既馬卡倫,係士多啤梨味,好甜,但同樣唔脆.
但o衣o家睇返menu只記起原本係迷你冬甩,點解變o左馬卡倫?
題外話:
個咖啡杯o既圖案都幾有趣.
Post
