地道館車仔麵 (Closed)

睇住佢開張的車仔麵，初時真的不睇好，因為是一班後生仔開。經過幾次都無幫襯，不過食過一次之後真係食過返尋味，份量夠，餸夠，醬惹味。魚蛋是已經好少見的陳皮魚蛋，魚皮餃是四X,雞肉腸都是貴價貨！（點解知，因為睇住佢地折包裝）每次嚟幫襯都試一兩款新嘢，食過好多餸，推介蝦條，試問有幾多間車仔麵是用心去炸脆先上，豬紅入味，咖哩魷魚好味，麻辣豬肚正！難怪越來越多人嚟食，真係好值得寫一個食評，後生仔都有心機整到好味的車仔麵！