必勝客 (Closed)

星期六既LUNCH TIME，11點幾黎到，唔洗等位住，真係開心。3個人叫左個2人餐，再用積分換左個雞翼。2人餐有2個湯，2杯飲品，一個小龍蝦白汁意粉，同埋豬仔骨半份。湯我地揀左意大利雜菜湯，跟蒜茸包，菜湯落足料，蕃茄味又夠濃，好味道。雖然汽水可以免費添飲一次，但係反正都飲唔晒，今次改試飲凍青檸魅力，味道好清新，幾好味，值得一試。小龍蝦白汁意粉，雖然話係白汁，但係其實係橙色，加上我食唔到有白汁味，但都有龍蝦味既，今次D汁比之前多，有好大既IMPROVEMENT。豬仔骨薯條沙律好大份，薯條炸得夠脆，豬仔骨整得超入味，伴碟既沙律都好新鮮。香辣雞翼外層烤得很香很脆,雞翼不但唔太油，而且仲有點乾身，加埋少少辣味又真係幾開胃呢個2人餐本身$203, 用分換左個雞翼，會員免加一，再用埋40蚊COUPON, 3個人埋單都係$163，真係抵食。