達人包車 (Closed)

餐廳有最低消費-每張枱$400（星期日夜晚去），但冇喺門口當眼位置標明，menu都冇寫，落單前店員亦冇提醒。兩個人叫左一個辣炒豬肉飯同一個雜菜炒粉絲，直到上左菜，先有店員走黎講餐廳有最低消費！後來發現只係貼左張A4紙喺一邊牆作提示，餐廳環境昏暗，顧客未必會見到！餐廳應該一早提醒顧客有最低消費，畀顧客考慮清楚。我地問店員A：最低消費係咪已經包埋10%服務費，佢話係。於是我地叫多兩杯嘢飲，又畀店員B話仲係未夠數，結果我地又要再改單，到底店員之間有冇溝通好呢？由於最低消費係按枱計，即使每人叫左一個主食都唔夠數，就焗住叫多個芝士泡菜煎餅，最後根本食唔晒要拎走。對餐廳唔老實嘅表現感到非常失望！食到一肚氣！唔會再幫襯。