Video
Read full review
2019-09-27
4167 views
由於menu菜式多，而且不限時段供應，所以大多數都係新鮮炮製，碟碟餸上菜時都係新鮮滾熱辣。👍🏻1\墨魚煎肉餅即叫即煎熱辣辣，非常香口。食肆一般用油較多，金東大都唔例外，不過由於煎肉餅唔大塊（約2-3啖嘅份量），所以感覺唔會過份油膩。店員附上一小碟醋，除咗豐富味道外，仲可開胃解油膩。墨魚粒唔算好多，只有襯托嘅作用，食落多咗份嚼勁，但無起膠亦唔彈牙，係豬肉肉餅嘅口感。搞笑嘅係雖然menu寫西洋菜，但我地都覺得比較似香蔥。因為我唔係西洋菜嘅頭號粉絲，所以即使唔係西洋菜，只要味道口感好食，我都唔介意。🤣2\手撕雞拼鴨脾如果唔係一大圍人食，可以叫「雙拼」，大約3-5人份量，唔洗加錢就可以拼埋鴨脾。除咗嫩滑嘅手撕肉外，仲有細細塊嘅雞&鴨皮，帶啲油脂嘅雞皮令口感更滑膩，脆卜卜嘅鴨皮亦帶黎多重口感。配上芝麻同薑蓉，倍感滋味。3\豬潤炒蜆店員端出一個大沙鍋，蜆同豬潤上鋪滿密密麻麻嘅蔥花同薑末，即場用gas爐煮熟蜆肉。蜆肉肥大鮮美，份量大，四人share，每人都有15-20隻。薑辣味頗重，僻走腥味。 豬潤同蔥花多到可以塞滿蜆殼。🤩4\配米粉/白飯我地選擇配米粉，店員再用gas爐幫我地微微返熱用剩嘅豬潤同蜆
1\
墨魚煎肉餅
即叫即煎熱辣辣，非常香口。食肆一般用油較多，金東大都唔例外，不過由於煎肉餅唔大塊（約2-3啖嘅份量），所以感覺唔會過份油膩。店員附上一小碟醋，除咗豐富味道外，仲可開胃解油膩。
墨魚粒唔算好多，只有襯托嘅作用，食落多咗份嚼勁，但無起膠亦唔彈牙，係豬肉肉餅嘅口感。
搞笑嘅係雖然menu寫西洋菜，但我地都覺得比較似香蔥。因為我唔係西洋菜嘅頭號粉絲，所以即使唔係西洋菜，只要味道口感好食，我都唔介意。🤣
墨魚煎肉餅
$108
100 views
0 likes
0 comments
2\
手撕雞拼鴨脾
如果唔係一大圍人食，可以叫「雙拼」，大約3-5人份量，唔洗加錢就可以拼埋鴨脾。除咗嫩滑嘅手撕肉外，仲有細細塊嘅雞&鴨皮，帶啲油脂嘅雞皮令口感更滑膩，脆卜卜嘅鴨皮亦帶黎多重口感。配上芝麻同薑蓉，倍感滋味。
手撕雞拼鴨脾
$168
89 views
0 likes
0 comments
3\
豬潤炒蜆
店員端出一個大沙鍋，蜆同豬潤上鋪滿密密麻麻嘅蔥花同薑末，即場用gas爐煮熟蜆肉。蜆肉肥大鮮美，份量大，四人share，每人都有15-20隻。薑辣味頗重，僻走腥味。 豬潤同蔥花多到可以塞滿蜆殼。🤩
豬潤炒蜆
$208
102 views
0 likes
0 comments
4\
配米粉/白飯
我地選擇配米粉，店員再用gas爐幫我地微微返熱用剩嘅豬潤同蜆汁，加入米粉再煮。上菜時見到米粉吸乾蜆汁並微微發漲。味道唔再係薑辣同蜆鮮，😋取而代之係豐富嘅鮮甜味，非常甜美！
豬潤炒蜆
$58
143 views
1 likes
0 comments
5\
雜菌花膠浸時菜
時菜種類好多，想食咩菜就即管order啦。我地叫咗莧菜，廚師再加咗啲唐芹比我地。雜菌以雞脾菇、秀珍菇同冬菇為主。花膠數量唔少，但膠質唔高。$118有一大碟菜，都唔期望會用高檔次嘅花膠，合理。
雜菌花膠浸時菜
$118
84 views
0 likes
0 comments
6\
薑醋花膠雪糕
Menu無圖片參考，我地望住個咁fusion嘅甜品名腦補咗幾款唔同嘅present方式：脆皮薑醋包住有花膠嘅雪糕、薑醋味嘅雪糕🍦配花膠⋯⋯
最終，真相係🤣廚師用瓦煲返熱薑醋，加入花膠，再鋪係雲呢拿雪糕上。冰熱交融、甜酸交替嘅感覺的確頗特別。不過第一次食，我嘅味蕾真係需要啲時間去接受呢種新味覺。食多幾啖，我覺得都幾好味😋，但我嘅飯腳們依然唔多接受呢款fusion甜品。
今次塊花膠品質靚啲，口感較軟滑，帶粘性，貨色符合返個價錢。👍🏻
薑醋花膠雪糕
$88
80 views
0 likes
0 comments
Post
