Video
Read full review
2020-10-04
4538 views
今年做節，我哋揀咗四季酒店嘅龍景軒食好啲！有米芝蓮星星嘅佢一直都好難訂位，今年咁好彩中秋節俾我哋訂到位！原本我哋都諗緊係咪叫套餐，跟住諗諗吓睇睇下套餐都唔係樣樣想食，今次決定試吓散叫！龍景軒特別在大部份嘅菜式都可以半份咁叫。今次我哋叫咗：1.蜜汁叉燒：係夠淋嘅，又甜甜地，好食！2.凍鮑片配蘆筍紅蜇頭：凍鮑片夠鮮甜，又夠淋，紅蜇頭成片食好有口感，不過我覺得唔夠入味。配喺下面嘅蘆筍又嫩又甜。3.皇湯雞絲羹：龍景軒必試菜式，濃厚嘅雞湯，膠到好似飲緊花膠湯咁！4.皇湯蒸斑片蛋白：為是日特別菜式，唔會係餐牌上面搵到，皇湯蒸蛋白原來可以咁夾好食！5.黑松露炸蟹蓋：都係是日特別菜式，黑松露味突出但又唔會搶咗蟹肉嘅鮮味，多蟹肉，好好食！6.孜然香椒羊蹍肉：呢個叫咗半份，羊肉好嫩好juicy，唔會過熟，好好食！7.蒜蓉蒸半邊龍蝦粉絲：相比之前嘅菜式呢碟就比較普通，唔試無損失。8.蝦子遼參配豬腳筋：爽口嘅遼參配以濃香嘅蝦子醬汁，美味。9.甜品：最後茶藝師會煮一小壺茶俾你，是晚係桂花鐵觀音，好清香入口好舒服。桂花杞子糕同埋嗰粒酥餅都係送嘅。我哋另外仲叫咗碗杏汁湯圓同埋半份蜂蜜薑茶糕。兩個甜品都好好味，雖然已
原本我哋都諗緊係咪叫套餐，跟住諗諗吓睇睇下套餐都唔係樣樣想食，今次決定試吓散叫！龍景軒特別在大部份嘅菜式都可以半份咁叫。
今次我哋叫咗：
1.蜜汁叉燒：係夠淋嘅，又甜甜地，好食！
2.凍鮑片配蘆筍紅蜇頭：凍鮑片夠鮮甜，又夠淋，紅蜇頭成片食好有口感，不過我覺得唔夠入味。配喺下面嘅蘆筍又嫩又甜。
3.皇湯雞絲羹：龍景軒必試菜式，濃厚嘅雞湯，膠到好似飲緊花膠湯咁！
4.皇湯蒸斑片蛋白：為是日特別菜式，唔會係餐牌上面搵到，皇湯蒸蛋白原來可以咁夾好食！
5.黑松露炸蟹蓋：都係是日特別菜式，黑松露味突出但又唔會搶咗蟹肉嘅鮮味，多蟹肉，好好食！
6.孜然香椒羊蹍肉：呢個叫咗半份，羊肉好嫩好juicy，唔會過熟，好好食！
7.蒜蓉蒸半邊龍蝦粉絲：相比之前嘅菜式呢碟就比較普通，唔試無損失。
8.蝦子遼參配豬腳筋：爽口嘅遼參配以濃香嘅蝦子醬汁，美味。
9.甜品：最後茶藝師會煮一小壺茶俾你，是晚係桂花鐵觀音，好清香入口好舒服。桂花杞子糕同埋嗰粒酥餅都係送嘅。
我哋另外仲叫咗碗杏汁湯圓同埋半份蜂蜜薑茶糕。兩個甜品都好好味，雖然已經好飽好飽好飽，好味到我哋都食得晒！特別係個蜂蜜薑茶糕，如果你係鍾意飲辣薑茶嘅朋友，呢個你一定要試，出面我未見過呢個甜品，超特別超超超好食！
蜜汁叉燒半份
$210
135 views
0 likes
0 comments
凍鮑片配蘆筍紅蜇頭
$590
116 views
0 likes
0 comments
皇湯雞絲羹
$340
124 views
0 likes
0 comments
石斑肉皇湯蒸蛋白
$490
83 views
0 likes
0 comments
黑松露炸蟹蓋
$400
88 views
0 likes
0 comments
孜然羊蹍肉半份
$180
81 views
0 likes
0 comments
蒜蓉蒸去邊龍蝦粉絲
$400
71 views
0 likes
0 comments
蝦虸遼參
77 views
0 likes
0 comments
杏仁茶湯圓，蜂蜜薑茶糕
64 views
0 likes
0 comments
龍景軒既米芝蓮星星真係實至名歸👍🏻鍾意摘星嘅朋友一定要黎試吓呢間中菜廳，有五星級嘅服務，食物又好味，菜式又可以半份咁叫夠哂細心，啱晒細食又想試多啲嘅朋友！下次我都要午餐嚟試吓啲點心先！
Post
