城大中菜廳

Open Now

Now Closed

已經10年冇黎呢度食野，餐廳轉左手不過個場同以前一樣的。小食拼盤只係試左炸魚仔同燒腩肉，兩樣好好食，魚仔細細條但係好多肉地，好滑。燒腩肉皮脆同埋肥左少少不過都接受到的。我覺得個湯係成餐既重點，有勁多既無花果肉同龍眼肉，好甜好岩女仔飲，份量好大，每人都可以飲到２碗仲有大量湯渣，幾乎日日出街食飯既我，飲左３碗呀！因為有屋企人食素，所以有好幾道都係素食，城大中菜廳用好多西蘭花，同菜，味道都比較清淡，唔錯。另一個素菜，白果係重點，仲有好多木耳同茹，鐘意食菜既我，真係覺得好好食呀！班頭兩味炸果個好香口，不過唔太好炸野既我，就覺得炒班球好食好多啦！夠大舊夠新鮮！正！芒汁蝦球對比起其他中餐廳，佢地整得比較甜，亦都冇咁香口，不過蝦都仲係爽的，一般好食。腰果粉雞粒味道一般，但係。。。真係太油。。。太油了，我真係要洗下佢先食到呀！士多啤利糕味道有點奇怪，士多啤利味唔重，冇必要可以唔洗食。