Video
Read full review
2014-07-14
2706 views
事源係放工後約咗友人一齊食晚飯，大家都諗唔到之際決定行陣先再諗食咩。行行下，友人提議食放題。於是我地為咗唔太貴，決定行到９點半平少少再去原定既放題地點。直到９點半，行到去兆萬樓下搵原定食個間放題，好唔好彩因內部裝修而暫停營業。咁岩門口有位婆婆派傳單正正就係和味館，我同友人又餓又攰既情況下毫不考慮就上咗去。入到去，就咁望裝修都係普普通通。不過無所謂啦，都係為填飽肚同休息下。間野既菜單真係成本字典咁厚，但款式就真係唔多。落好單後，無無聊聊周圍望，咁岩我個位對正出菜既門口。一望入去可以話望晒成個廚房，但係衛生情況就真係唔多理想，成地濕漉漉仲好多垃圾係地下。其實都唔係大問題，出得街食野都預咗會有呢啲情況。望多兩望都無再理會。等咗陣，頭一轉上既係一啲刺身同壽司，但刺身有啲奇怪既係我地有啲點咗既就無到，無點既就放咗入去。不過由於肚餓關係友人無理會就直接開餐～食晒頭兩碟野之後，等咗好耐我地點既燒物、手卷、魚生船都無出現過。我地就催單，但得黎既回應就係侍應話電腦收唔到我地任何熟食既單，而說話中既語氣係表示唔係我地電腦收唔到，而係你地無落單既意思一樣。友人就話算數，再落多一次單。 等咗十幾分鐘，終於咗
行行下，友人提議食放題。於是我地為咗唔太貴，決定行到９點半平少少再去原定既放題地點。
直到９點半，行到去兆萬樓下搵原定食個間放題，好唔好彩因內部裝修而暫停營業。
咁岩門口有位婆婆派傳單正正就係和味館，我同友人又餓又攰既情況下毫不考慮就上咗去。
入到去，就咁望裝修都係普普通通。不過無所謂啦，都係為填飽肚同休息下。
間野既菜單真係成本字典咁厚，但款式就真係唔多。
落好單後，無無聊聊周圍望，咁岩我個位對正出菜既門口。
一望入去可以話望晒成個廚房，但係衛生情況就真係唔多理想，成地濕漉漉仲好多垃圾係地下。
其實都唔係大問題，出得街食野都預咗會有呢啲情況。望多兩望都無再理會。
等咗陣，頭一轉上既係一啲刺身同壽司，但刺身有啲奇怪既係我地有啲點咗既就無到，
無點既就放咗入去。不過由於肚餓關係友人無理會就直接開餐～
食晒頭兩碟野之後，等咗好耐我地點既燒物、手卷、魚生船都無出現過。
我地就催單，但得黎既回應就係侍應話電腦收唔到我地任何熟食既單，
而說話中既語氣係表示唔係我地電腦收唔到，而係你地無落單既意思一樣。
友人就話算數，再落多一次單。
等咗十幾分鐘，終於咗我地點咗既壽司同刺身。而我再次點既燒物 包括：燒菠蘿、
燒生蠔、軟殼蟹手卷等等都係無黎到。隔咗一陣，有個男侍應就問我地差啲咩，
我地覆一次佢地，但呢個時候佢先話我所叫既野全部賣晒，而且都係果句：「我地電腦都
係無落過你地呢張枱既單」
一次又一次都話無落過我地既單，仲要我地等咗好耐先話好多野食都賣晒....
而且店員既服務態度[好到]無得頂，可以將個責任推番落個客到。
最後我同友人食到無晒癮，而且等到飽晒而決定埋單走人。
比咗百五蚊出黎，但好似無咩點食過野。
百五蚊剩係買佢一杯野飲，四碟壽司刺身
同埋３隻燒雞翼加條雞串。
衛生程到已經唔係好好
食物質數係下等
店員既服務態度加上菜速度直頭係差劣
而且係不斷地漏單錯單
埋單呢個價錢話貴唔貴，但都唔算平
而且莫講話拎百五蚊出黎，
我覺得係呢到食野拎二三十蚊都覺得唔值！
食野或者價錢係一個因素考慮，
但同一時間都要考慮到佢值唔值得比咁多錢！
建議各位朋友食前真係考慮清楚，又要比錢又唔係好食又要受氣既一餐
你願唔願意？！
Post