串本屋 (Closed)

而家好難搵到一間地地道道的串燒係有口碑，朋友經常捐窿捐罅搵好嘢食，今晚他帶我去到佐敦道文蔚街地舖(串本屋)，入到去餐廳佈置甚具有日本風，感覺就好像去到日本的小店，重現日本的感覺。店內提供多款清酒，任君選擇。而家Like餐廳社交平台專頁就可免費送一杯非酒精飲品。月見自家製免治雞肉棒$38，將雞肉餡捏成長條棒狀烤製而成，加生蛋黃沾住食，令入口更滑順。鹽燒牛舌芯$38，牛舌最緊要做到係無牛騷味，而且仲厚切非常有口感。三文魚茶漬飯$28，茶底香濃，米飯可口。野菜天婦羅冷蕎麥麵$88，天婦羅最緊做到係皮薄，而見到蔬菜入面係乜嘢，咁就為之最好食。鹽燒日本雞軟骨$20；焦糖燒菠蘿$28，經過燒烤的菠蘿更香更甜。溜心炸蝦球四件$36，會在口內勁爆瀉的溜心蝦球，都係第一次食。叫了多款串燒一次過滿足曬個胃。