一品齋甜品屋 (Closed)

先前見過阿蘇介紹呢度，鋪面冇乜佈置，又冇精美的menu同poster，真係唔多似一間甜品店。見到咁款又真係冇乜信心...呢日無啦啦想食豆腐花。通常食豆花都係去人和、公和呀呢D老字號。因為次次去襯甜品店食豆花質素都好差，因為唔係自家製，又雪成日，一D都唔滑溜，所以免得過都唔會係甜品店食豆花。但一入門口就見到一大筒豆腐花，而且成間鋪都充滿豆香，好明顯係自家炮製啦。信心都即刻返晒黎拿拿聲叫碗"紅白" (紅豆沙+豆腐花)未食單睇外表覺得好味! 紅豆的份量唔係淨係得面頭幾粒，真係伴有一半的紅豆沙。紅豆沙好多紅豆，唔會水，而且煮得淋；最好係唔太甜，就咁飲紅豆水都得!豆花好滑，唔漏，好味 豆花水亦都唔甜，反而冇咁漏添!食食下又好想食返D甜野 (因為紅白真係原汁原味架)見到牆上介紹自家包製的麻容湯圓，都叫碗食下。湯圓好煙韌，一食落口就知係自家製的。依家肯自己包湯圓已經好少有啦...湯圓皮好煙韌，厚度適中，不過可能有人會鐘意簿身D，但我覺得太簿唔好食。食得出湯圓係人手搓，因為皮好挺身同有筋性，亦食唔到有粉粒，確實比冷藏的湯圓好食。麻容係黑芝麻，唔係太甜，但唔夠多，做唔到流沙效果。好就好在黑芝麻餡冇油但都