Video
Read full review
2017-12-14
3620 views
每逢星期三都會相約朋友係尖沙咀打拳，打完拳之後去左附近嘅厚福街。今日次就黎左試呢間出名牛油果為主題嘅cafe。呢間Cafe嘅裝修夠晒舒服，以植物，盆栽，木枱同木凳裝飾，加上近排流行嘅紅光管燈，打卡一流。 餐廳嘅一邊設有榻榻米，係幾有feel的，啱晒相約朋友相聚。牛油果蟹棒帶子溫泉蛋丼($108)作為牛油果嘅狂粉，見到咁多以牛油果為主題嘅菜式，簡直花多眼亂，有選擇困難症嘅我幾經辛苦，先下定決心揀呢個溫泉蛋丼。一上枱我同朋友都「哇」左一聲，簡直係藝術品，燒過嘅帶子，牛油果，蟹棒擺到靚一靚，最頂仲加埋朵紫色小花，靚到都唔忍心食，哈哈。弄破溫泉蛋之後，蛋漿撈上口感彈牙嘅日本米一齊食，加上沙律醬口感好fresh。旁邊仲配有滿滿嘅沙律菜，爽口新鮮，夠曬健康牛油果軟殼蟹配蟹棒米卷($88)以為只有越南餐廳先會見到嘅米卷，呢到都竟然有。米卷分別有軟殼蟹同蟹棒兩款，分別夾有蘿蔔青瓜絲。煙韌嘅米卷皮加上爽脆嘅內餡，形成對比，口感好豐富。作為煙韌愛好者，實在太愛呢個米卷了。沖繩taco飯($98)相比起上兩款菜式，呢款就較重口味一啲，惹味嘅肉醬，加上脆口嘅墨西哥片，重口味嘅朋友食到點曬頭，呢款同樣都配有溫泉
今日次就黎左試呢間出名牛油果為主題嘅cafe。
呢間Cafe嘅裝修夠晒舒服，以植物，盆栽，木枱同木凳裝飾，加上近排流行嘅紅光管燈，打卡一流。
餐廳嘅一邊設有榻榻米，係幾有feel的，啱晒相約朋友相聚。
牛油果蟹棒帶子溫泉蛋丼($108)
牛油果蟹棒帶子溫泉蛋丼
$108
137 views
0 likes
0 comments
作為牛油果嘅狂粉，見到咁多以牛油果為主題嘅菜式，簡直花多眼亂，有選擇困難症嘅我幾經辛苦，先下定決心揀呢個溫泉蛋丼。
一上枱我同朋友都「哇」左一聲，簡直係藝術品，燒過嘅帶子，牛油果，蟹棒擺到靚一靚，最頂仲加埋朵紫色小花，靚到都唔忍心食，哈哈。
弄破溫泉蛋之後，蛋漿撈上口感彈牙嘅日本米一齊食，加上沙律醬口感好fresh。旁邊仲配有滿滿嘅沙律菜，爽口新鮮，夠曬健康
牛油果軟殼蟹配蟹棒米卷($88)
牛油果軟殼蟹配蟹棒米卷
$88
34 views
0 likes
0 comments
以為只有越南餐廳先會見到嘅米卷，呢到都竟然有。米卷分別有軟殼蟹同蟹棒兩款，分別夾有蘿蔔青瓜絲。煙韌嘅米卷皮加上爽脆嘅內餡，形成對比，口感好豐富。
作為煙韌愛好者，實在太愛呢個米卷了。
沖繩taco飯($98)
相比起上兩款菜式，呢款就較重口味一啲，惹味嘅肉醬，加上脆口嘅墨西哥片，重口味嘅朋友食到點曬頭，呢款同樣都配有溫泉蛋，牛油果，同埋沙律菜，又係一健康之選。
-
我同朋友平日晚餐時間黎都唔需要等位，而且客人唔算多，可能係平日嘅關係啦。
我同朋友係呢個舒適嘅環境之下，食住傾左足足二個鐘，都無壓力，侍應仲不斷幫我地添水，招呼得好好，同朋友黎真係一個唔錯嘅選擇！
Post
