一粥麵 (玉蓮臺3座)

Open Now

Now Closed

今晚同老豆兩個人食，老豆又揀左來這間，貪佢平平地，野食清清地無咩味精算係健康中式餐。此店位於屋邨範圍內，眼見都有不少長者來幫襯，價錢經濟算係良心企業，店內不常滿客，每次到來都不用搵位好方便。冬瓜盅+鮮蝦福建炒飯 ($68)冬瓜盅都幾受歡迎，上星期來光顧賣晒，今次終於點到，見在場好多食客都有點。冬瓜盅睇落細細但都分到四碗湯，有少量蠔豉蟹柳蝦魚肉，湯料吊一吊味湯清清地解暑飲味道不錯。福建炒飯比出面食的無咁油，但炒蛋飯底一般而已。鮮蝦淨雲吞 ($32)原本係鮮蝦雲吞麵可轉做淨雲吞，雲吞都有7粒仲有幾條小棠菜，每粒雲吞都有鮮蝦肉食落都幾好味，可以點埋少少潮州辣椒油更惹味。