大熱高湯麵 (Closed)

又來幫襯呢間餐廳啦 ！今次都係食佢個套餐，狼仔同我每人一個湯面加兩款小食。個雞湯都幾清，望落去冇咩油，飲完都唔覺得口渴。葛粉絲比較煙韌，需要啲時間慢慢食。懶得咬嘅人應該食陽春面比較啱。每次都一定會叫芥末炸墨魚丸。非常新鮮，一咬落去 D芥末醬bi出黎，超正！糖心蛋亦係我嘅必叫小食之一 ！個糖心生熟剛好， 隻蛋都整得好入味。木耳係健康之選，味道清清地，但又幾好味！牛腩同蘿蔔都好入味，個蘿蔔簡直係入口即溶！小食嘅選擇實在太多， 每次總有幾樣必食，唔知幾時先可以食晒想試嘅小食呢？XD