On Time Coffee & Kitchen (Closed)

尋日跑完步之後，見到樓下開咗間新餐廳，就去睇下個Menu啦。見到有個幾特別嘅沙律。紅菜頭西柚橙沙律 （$78 ）注重健康嘅人一定知道紅菜頭係特別有營養㗎啦。所以呢我就諗住去試吓。同埋最近運動之後唔想食好多嘢。初初都以為健康嘢都唔會有啲咩太突出嘅味道。點知食落去酸酸甜甜咁，好快就食晒成碟。我仲分咗啲比我隻狗仔食，哈哈。下次午餐可以嚟試吓，我見到隔離枱嘅牛肋條飯好吸引。如果嚟咗上環想食輕食嘅話都幾推介呢度。老闆都好Nice，佢都同我講佢都係住附近，喺度食飯都好chill🥬