牛扒先生 (青衣城1)

Open Now

Now Closed

上次經過見到不過冇入到去食，因為去左對面食點心。今日係專登來試下佢地個set lunch，set lunch個menu都有幾款主菜比客人揀，最喜歡係所有set lunch都包左任食沙律吧丶飮品同甜品。主菜我揀左2款，南瓜汁天使麵丶炸龍利配薯角。餐湯同面包都向沙律吧度任食任飲，今日是忌廉湯，湯唔太熱=.=面包有法包同香草包，2隻都好食。沙律包有3款醬丶普通的沙律醬丶千島醬同意式油醋。沙律方面有好多款，例如生菜火箭菜紫椰菜丶紅蘿蔔絲丶蕷果沙律丶油浸椰菜絲丶泰式沙律丶紅腰豆丶菠蘿木爪沙律丶南瓜沙律丶小粒紅蘿蔔配青豆沙律...等等，好新鮮，而且不停添加。南瓜天使麵上面有冬菇片，味道清淡，面條煮得剛好，岩素食人士。炸龍利賣相比較差而且得2小件=.=真係唔值lee個價錢，味道可以話一般，冇可取。甜品原來是蛋糕，味道唔會過甜。熱咖啡當然是不及太平洋或星巴克，不過也算不錯。佢的沙律吧我個人來說可以係非常滿意，如果lunch set可以有淨係沙律吧跟茶和甜品更好。