Video
Read full review
2022-10-19
285 views
近年越來越多餐廳標榜健康飲食，最近同事向我介紹呢間位於萬年大廈嘅Karui Bento，主打營養豐富嘅日式外賣便當，今日趁住遲放工，唔想煮飯，一於買兩個飯盒返屋企兩口子食算數。餐牌上選擇都算多，有照燒雞扒，燒汁豚肉，鹽燒鯖魚，杭椒牛柳，味噌比目魚，挪威三文魚，泰式咖哩雞，同埋麻婆豆腐，配紅米飯，溏心蛋同埋菜，價錢由＄68至＄108不等，可以以優惠價＄2加配飲品，＄12加溏心蛋或味噌湯，及＄12由飯轉做全野菜便當。餐廳標榜食物營養均衡，無味精之餘仲少油低卡，如果將個飯盒分成4 等份嘅話，1 份係緩釋碳水化合物，1份係優質蛋白及 2份係新鮮蔬菜，配埋紅米，真係相當健康。挪威三文魚配野菜便當：三文魚大大塊，煎過後一打開飯盒就早到陣陣香味，魚皮非常香脆，魚肉鮮味濃郁，食落好嫩滑，非常高質。照燒雞扒配野菜便當：雞扒份量都幾多，餐廳亦選用優質雞腿肉，肉質嫩滑，煎過後表皮呈金黃，配埋香甜嘅照燒汁食，非常惹味。紅米比例比想像中少，不過可能係因為唔係個個都食紅米，呢個比例會比較大眾化，不過對於喜歡食紅米嘅我黎講，如果比例高啲，咁就更加好啦。蔬菜方面有西蘭花、椰菜花、紅蘿蔔同菇，非常新鮮，配埋半隻溏心蛋，
餐牌上選擇都算多，有照燒雞扒，燒汁豚肉，鹽燒鯖魚，杭椒牛柳，味噌比目魚，挪威三文魚，泰式咖哩雞，同埋麻婆豆腐，配紅米飯，溏心蛋同埋菜，價錢由＄68至＄108不等，可以以優惠價＄2加配飲品，＄12加溏心蛋或味噌湯，及＄12由飯轉做全野菜便當。
餐廳標榜食物營養均衡，無味精之餘仲少油低卡，如果將個飯盒分成4 等份嘅話，1 份係緩釋碳水化合物，1份係優質蛋白及 2份係新鮮蔬菜，配埋紅米，真係相當健康。
挪威三文魚配野菜便當：三文魚大大塊，煎過後一打開飯盒就早到陣陣香味，魚皮非常香脆，魚肉鮮味濃郁，食落好嫩滑，非常高質。
照燒雞扒配野菜便當：
雞扒份量都幾多，餐廳亦選用優質雞腿肉，肉質嫩滑，煎過後表皮呈金黃，配埋香甜嘅照燒汁食，非常惹味。
紅米比例比想像中少，不過可能係因為唔係個個都食紅米，呢個比例會比較大眾化，不過對於喜歡食紅米嘅我黎講，如果比例高啲，咁就更加好啦。
蔬菜方面有西蘭花、椰菜花、紅蘿蔔同菇，非常新鮮，配埋半隻溏心蛋，成個飯盒顏色鮮艷，令人勁有食慾。
等外賣嘅時候見到原來可以預先用app 落單，咁下次就可以落單後預返時間黎拎就可以啦。
Post
