糙米家 (Closed)

糙米家係我至愛～所以今晚又黎食喇！之前食過佢既飯、沙律、健康煮，飯同沙律一向保持水準，而健康煮每次都好足料。今晚我同朋友就嗌我地食極唔厭既煙三文魚蟹籽蛋沙律($49)，我加左蒜蓉包($6兩片) 同埋熱糙米茶($4)，朋友加熱牛蒡茶($4)飲凍飲既話加$6，埋單總共$112冇加一。沙律份量好大份，但食得多得黎都唔會覺得好邪惡。入面有兩大片煙三文魚、生菜同其他沙律菜、車厘茄、青瓜片、紅蘿蔔絲，全部都好新鮮，最好係d 芝麻醬唔會少俾，而面頭個Pat 蟹籽蛋沙律真係好好味，入面有蟹柳絲，夾埋d菜一流糙米茶d米味好香，牛蒡茶冇試過，不過朋友成日都嗌～ 我地6點度去到就冇乜人，但食到7點開始人多，所以星期日晚唔想排隊既話可能就要早d黎食喇～