Video
Read full review
2018-08-06
18 views
最近係Openrice見到呢一間店舖非常受歡迎，聞名不如一試，呢日放假就特登去灣仔試吓佢嘅真味道！店舖位於灣仔星街，雖然係星街，但實際上比較近金鐘，建議大家係金鐘地鐵站落車行過去比較快！店舖打嘅路線同一般嘅Cafe唔同，佢哋除咗賣咖啡之外，亦都係售賣唔同嘅水果飲料。其中店舖入面嘅西蘭花牆必定係打卡嘅熱點之一！店舖好細心地喺Menu上亦都介紹咗唔同嘅水果飲料入面嘅成份以及功效，令我哋呢啲唔係好熟悉唔同水果嘅人都可以選擇自己適當嘅飲料。落單嘅時候店員仲同我地講解一下杯野飲嘅成份同埋功效，非常之細心。其中不得不試嘅當然係佢哋嘅名物Avolatte! 店員首先將牛油果內嘅果肉全部拿出，並將咖啡倒進牛油果殼內，而牛油果肉則用作承托牛油果之用。整體的配搭十分之新鮮，咖啡嘅味道亦恰到好處。最健康嘅係，飲完咖啡後仲可以食埋牛油果肉。牛油果嘅新鮮程度則不用多說，始終係以水果飲料起家嘅店舖。一杯嘢飲就可以有食有飲，性價比非常之高。當然我哋都有嘗試佢哋嘅自家飲料啦！我哋揀咗呢一杯Runner’s delight，佢使用牛油果，蘋果，檸檬等唔同嘅水果打出而成。整體嘅口感非常之厚身，牛油果味尤其突出。值得一讚嘅
店舖位於灣仔星街，雖然係星街，但實際上比較近金鐘，建議大家係金鐘地鐵站落車行過去比較快！
店舖打嘅路線同一般嘅Cafe唔同，佢哋除咗賣咖啡之外，亦都係售賣唔同嘅水果飲料。其中店舖入面嘅西蘭花牆必定係打卡嘅熱點之一！
店舖好細心地喺Menu上亦都介紹咗唔同嘅水果飲料入面嘅成份以及功效，令我哋呢啲唔係好熟悉唔同水果嘅人都可以選擇自己適當嘅飲料。落單嘅時候店員仲同我地講解一下杯野飲嘅成份同埋功效，非常之細心。
其中不得不試嘅當然係佢哋嘅名物Avolatte! 店員首先將牛油果內嘅果肉全部拿出，並將咖啡倒進牛油果殼內，而牛油果肉則用作承托牛油果之用。整體的配搭十分之新鮮，咖啡嘅味道亦恰到好處。最健康嘅係，飲完咖啡後仲可以食埋牛油果肉。牛油果嘅新鮮程度則不用多說，始終係以水果飲料起家嘅店舖。一杯嘢飲就可以有食有飲，性價比非常之高。
當然我哋都有嘗試佢哋嘅自家飲料啦！我哋揀咗呢一杯Runner’s delight，佢使用牛油果，蘋果，檸檬等唔同嘅水果打出而成。整體嘅口感非常之厚身，牛油果味尤其突出。值得一讚嘅係，店舖並沒有加冰，維持返飲料本身應有嘅口感同埋味道。值得一讚！
最後我哋仲試左佢嘅朱古力曲奇。出乎意料地佢哋曲奇係相當之好食。我都冇諗過係一間Cafe入面(仲要係主打水果飲料)嘅小食十分之突出！曲奇質地非常之脆口，而且內裏仲有少量嘅朱古力粒。我自己比較鍾意食高濃度嘅朱古力，而呢一種曲奇嘅朱古力濃度非常之高，非常香口。
總括而言，呢一間店舖比較追求貴精不貴多嘅路線，所叫嘅兩杯飲品同埋小食質素都非常之高。如果係同朋友喺金鐘行到攰，想飲杯咖啡傾吓計嘅時候，呢間店舖絕對係一個非常好嘅選擇。當然啦，健康都係其中一個好重要嘅因素之一！
Post
