御老鍋台式火鍋 (Closed)

📍 御老鍋台式火鍋🌍尖沙咀金巴利道28號君怡酒店1樓1/F, The Kimberley Hotel, 28 Kimberley Road, Tsim Sha Tsui📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝❅ 二人前午市優惠套餐 ❅ ＄398⤫ 芫茜皮蛋豆腐鍋 ⤫又想打邊爐又唔想咁熱氣？芫茜皮蛋豆腐湯底有下火清熱的功效，鮮甜濃厚，又唔油膩勁健，食完唔會勁飽濟。滾起一定要先飲多啖湯先開始淥！！！一整盤材料上，裡面超足料，絕對大滿足！包括：牛肉、羊肉、虎蝦、帶子、蛋餃、餃子、魚丸、鴨血、芋絲，生菜、金針菇、王子麵！海鮮超高評價，勁新鮮！ 特別係帶子，超級鮮甜，唔係雪到硬哂；睇個虎蝦嘅色澤都知佢咩料，好彈牙爽口！牛肉肥瘦恰到好處，肉味豐郁~ 但肉片方面，如果可以有得選擇會更好，始終未必個個都食羊~ 餃類有成３款：蛋餃、椰菜豬肉餃、鳳城餃，同芫茜皮蛋豆腐超夾，爆哂汁，好鮮美~丸子好有特色，係鹹蛋黃餡~鴨血非常Ｑ嫩，好食歸好食，但鴨血最合拍都係麻辣湯底～