Video
Read full review
2023-02-13
134 views
OVOCAFE相信大家都唔陌生，出名出品靚味道唔差，不過以往偏西式新派素食為主。近期同大飯糖一同搞搞新意思，OVOCAFE 2.0捲土重來下，菜式更多元化。同以往更大轉變係，更多variety，好多都可以走蛋奶轉素芝士等，全素蛋奶素等唔同顧客都可以因應自己需要選擇。不可能菠蘿石斑漢堡伴芒果柚子沙律 HKD 128 （Rating: 8.7/10) 野菜蟲草花炒韓國粉絲 HKD 98 (Rating: 8.5/10) 鹽酥素雞脾+川辣杏鮑菇 HKD 52 (Rating: 9.0/10) ［全素含五辛］痴線呢個好推薦！香口得嚟食落唔油膩，辣椒加上啲五香粉，以及好似蝦米形狀嘅炸蒜，川辣味道突出。配襯好爽口嘅炸杏鮑菇有啲似食緊雞肉🤤至於素雞脾其實係酥炸腐皮卷，一咬落去脆卜卜，但好得意保留到水分同少少腐皮嘅煙韌十，食落唔會成啖油又嚡又乾，加少少鹽調味已經好香口😙芝士忌廉焗西蘭花 HKD 52 (Rating: 7.8/10) 意大利蔬菜湯伴純素麵包 HKD 48 (Rating: 8.2/10) ［全素］每日餐湯唔同，當日咁啱係菜湯，不過佢比一般茄膏溝水足料，成碗湯明顯多蔬菜再blend. 味
不可能菠蘿石斑漢堡伴芒果柚子沙律 HKD 128 （Rating: 8.7/10) [蛋奶素；可轉全素］
應該係少有一個健康少油少鹽又好味嘅素漢堡🍔用手食晒成個包，成對手都冇油。麵包麥味偏突出，冇加牛油烘，食落幾有彈性有啲煙韌口感，不過冇油難免麵包皮就咁食乾身。但配合返菠蘿、素石斑魚柳、芝士、他他醬同生菜，其實恰到好處唔會覺得乾😀他他醬冇酸瓜，份量比較少，主要甜味靠菠蘿。石斑似氣炸，食落唔油膩口感都像真，冇乜豆味幾好🫢由於男朋友對素芝士有恐懼就冇加10蚊轉vegan, 正常cheddar俾足一塊😂伴碟嘅沙律全部都係新鮮蔬菜同生果，芒果、碌柚、番茄加沙律菜撈少少黑醋，冇加沙律醬同油，健康又清新🌱當然嫌唔夠肥仔，你可以配薯條lol…
不可能菠蘿素石斑漢堡
$128
9 views
0 likes
0 comments
野菜蟲草花炒韓國粉絲 HKD 98 (Rating: 8.5/10) [全素］
另一個少油、食材樸素但好食之選。韓國粉絲炒得好香麻油味，口感煙韌，蟲草花份如量唔算少，配合椰菜、芝麻、甘筍絲木耳絲炒，簡單健康但唔會淡，食完碟底一滴油都冇😌略嫌麻油都幾濃，粉絲偏碎有啲難夾。
野菜蟲草花炒韓式粉絲
$98
24 views
0 likes
0 comments
鹽酥素雞脾+川辣杏鮑菇 HKD 52 (Rating: 9.0/10) ［全素含五辛］
痴線呢個好推薦！香口得嚟食落唔油膩，辣椒加上啲五香粉，以及好似蝦米形狀嘅炸蒜，川辣味道突出。配襯好爽口嘅炸杏鮑菇有啲似食緊雞肉🤤至於素雞脾其實係酥炸腐皮卷，一咬落去脆卜卜，但好得意保留到水分同少少腐皮嘅煙韌十，食落唔會成啖油又嚡又乾，加少少鹽調味已經好香口😙
鹽酥素雞脾加川辣杏鮑菇
$52
8 views
0 likes
0 comments
芝士忌廉焗西蘭花 HKD 52 (Rating: 7.8/10) [蛋奶素；可轉素芝士］
芝士焗西蘭花大家都唔陌生。呢個特別之處在於佢係少見嘅健康版😙環境芝士唔算好多，只有略略, 幾啖有拉絲，都有噑芝士鹹香。忌廉份量唔多，冇加麵糊嘅白汁質感偏稀聚底似牛奶多過cream(又係冇乜油）😂西蘭花焗完仍然翠綠爽脆，食到菜本身清甜同水分，減肥人士都可以食，絕對係版主福音🤤但食慣重口味邪惡芝士肥仔野，呢個唔適合你lol
芝士忌廉焗西蘭花
$52
17 views
0 likes
0 comments
意大利蔬菜湯伴純素麵包 HKD 48 (Rating: 8.2/10) ［全素］
每日餐湯唔同，當日咁啱係菜湯，不過佢比一般茄膏溝水足料，成碗湯明顯多蔬菜再blend. 味道以南瓜、甘筍為主，清楚仲食到蔬菜嘅質感冇打到全碎。雖然冇列明，但飲到應該有洋蔥，食齋自己酙酌。全素麵包同burger嘅麵包有幾分相似，帶有幾分麥味唔甜唔油，偏乾身帶嚼勁，建議點湯一齊食，否則乾到有啲似食緊光酥餅😂
意大利菜湯伴純素麵包
$48
3 views
0 likes
0 comments
宇治金時爺爺 HKD 85 (Rating: 8.8/10) [蛋奶素］
呢個甜品看似得椰皇加軟雪糕，其實內有乾坤！🤩3.6牛乳軟雪糕奶味夠濃，配上焦糖脆脆加少少抹茶粉口感豐富。不過都溶得快，兩個人一啖接一啖不停快食都逃不過有啲溶化😂雪糕底下仲有好多配料！😳藏底嘅抹茶凍、紅豆、白玉都好足料，最驚喜係佢仲有配埋椰皇水自製嘅椰子凍，完全食得出係天然椰子水嘅清甜味冇額外加糖，兩個人食到尾都有啲滯，建議share。如果想light啲，可以揀乳酪雪糕代替牛奶雪糕🍧但暫時唔見有純素，希望遲啲有。
宇治金時爺爺
$85
7 views
0 likes
0 comments
七色花茶 HKD 58 (Rating: 8.0/10)
花茶都幾足料，淡淡地嘅花茶用作消滯一流。薰衣草、菊花等都係飲落舒服溫和，唔會太刺激。
七色花茶
5 views
0 likes
0 comments
認真，注意健康素食嘅朋友喺度會有好多選擇，而且唔需要犧牲味道實屬難得（大家都知健康餐係咩料啦）
環境靚好多花草可以影🌸燈光亦比以前光猛，幾適合一班朋友一齊慢慢傾計。就算唔係素友，想必都總有好多吸引都大眾嘅options, 單係甜品已經三版menu…😂
Post
