隨然有機玄米菜食料理 (Closed)

朋友介紹下去咗呢間位於寶勒巷10號 4樓嘅隨然有機玄米菜～呢間餐廳主打用有機食材整嘅食物，而且唔會用一啲對我哋身體冇益嘅食材，例如人工/加工食材、白糖等等。聽落都覺得健康呢？所以我都比佢吸引咗去試吓😛餐廳用上木質裝修，枱凳、地板、餐具統統都係木造嘅，比人一種好舒服嘅感覺。仲用咗落地玻璃，採自然光，更加明亮開揚。落單要出去收銀處落，之後餐具、水呢啲都係自助。午餐包咗是日餐湯、主菜、飲品，亦都可以加錢配特飲或加$30加配是日甜品。是日餐湯 - 麵豉湯（跟餐） 略嫌鹹咗少少，不過亦有可能係因為啱啱起身味蕾未醒😹本菇醬油唐辛子意大利麵（$78）睇其他comment都話呢到嘅意粉偏硬，個人又覺得okay，al dente嘅texture，咁先夠咬口～菇好味，意粉有少少辣味，唔錯～日本有機三年番茶（跟餐）呢隻有機茶好似係完全無使用到添加劑～有淡淡嘅茶香味，好易入口，飲完就會問點解咁快飲晒！呢個餐有餐湯、主菜、餐飲，$78，而且無收加一，都算唔錯！話就話係半自助形式，又無收服務費，但waitress姐姐其實服務好好，又好有禮貌，「感謝」前「感謝」後，好鍾意佢：）想試下素菜餐廳又或者想食清啲健康啲 不