香積廚素食 (Closed)

食自助餐$43咁抵，就喺香車街街巿3樓呢間店，lunch黎到，第一次食，職員熱情地幫我地搵位，今日都幾多人，坐滿晒，佢幫我地執枱時，叫我地去拎嘢食先。呢度素食菜式簡單，十多樣菜，有節瓜、翠肉瓜、椰菜、炒麵、飯、勝瓜、酸蘿蔔、咖哩薯仔、酸青瓜等，仲有湯同糖水。湯就有冬瓜花生湯，無咁濃味清清地，糖水係綠豆沙，好多料，甜度適中。炒麵同瓜類都幾好食，菜心就有啲靭，部分菜式重手左較咸，但個湯麵又好淡，唔太平衡，食食下會煮新菜式，但原本果啲食晒可能唔再添。呢度食完先比錢同要自己拎碟出去回收桶度，每人食左兩碟加一湯一糖水，好飽好滿足又健康，但環境熱左少少，有冷氣但坐近門口較熱，涼啲黎食會好啲！