莆田 (Closed)

馬鞍山商場林立，食肆多到眼都花，新港城入面想食咩都有，每次經過都見到呢間莆田超級多人排隊，今日決定都試一試個究竟！以前我記得呢度好興蟶子，而家就推廣緊最近好興的紅菇，聽講係新興的健康食材～蝦苗拌頭水紫菜好有特色的一個菜式， 主要用薄切的青瓜圍圈包住水紫菜，好巧師傅心機同功力，口感都幾爽，咸咸地，用作前菜開胃的確一流呀～甫田滷麵唔似一般的湯麵，湯汁比較”結”，可以先夾麵條，再用湯匙倒湯，我比較鐘意連湯飲埋，因為湯頭比較濃厚，飲起上來會有一種難以形容的滿足感～百秒黃花魚睇個名應該係用指定時間先可以蒸到既黃花魚～咁多樣菜式，我最鐘意亦都最正應該就係條黃花魚，魚肉好嫩滑，而且魚味完全滲透入去個汁入面，我每食一啖魚肉，都必定會配一啖魚汁，滿足感爆燈呀！總括都好滿意呢一餐，幾乎每一碟都係師傳的心機，真係好耐都未試過咁滿足的一餐！